江若琳細佬3年發脹一倍面目全非 家姐公開恥笑激勵：可唔可以振作？

現年34歲嘅江若琳4年前嫁畀「生煎包王子」蕭唯展（Oscar），老公生財有道，江若琳就放心做自己想做嘅事，過得相當幸福。日前佢嘅細佬Howard都同拍拖3年嘅女友結婚，娶到個好老婆。不過就因為家姐post咗一張14件前嘅舊照，成件事錯晒focus！

同場加映：《愛回家》書蟲疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

江若琳細佬Howard日前小登科，江若琳榮升大姑奶，喺社交平台發相發文祝福細佬同弟婦：「我最愛嘅細佬結婚了！恭喜你搵到一個咁好咁完美老婆，連我都好愛佢嘅好女仔。自從你哋拍拖後，見證住細佬身形暴脹到一個一發不可收拾嘅地步，都知你食得好瞓得好，生活愉快。從此我冇嘢好擔心了！因為你被照顧得好好！老土嘢唔多講，希望你生生性性，乖乖，唔好見個老婆好蝦就蝦佢！因為如果你哋鬧交我係唔會幫你，因為一定係你唔啱！完！」之後仲tag埋弟婦，留言「家姐愛你」，睇嚟弟婦真係深得佢心！

{{hket:inline-image name="307001916_135432339219463_1129409554788052592_n.jpg"}}{{/hket:inline-image}}

江若琳對細佬就唔係咁「客氣」，而家嘅Howard身形都幾飽滿吓，十足唱《Gangnam Style》嘅PSY大叔。原來Howard曾經好瘦削，江若琳就post出一張14年前嘅舊照，公開恥笑兼激勵細佬，留言：「圖3攝於某年細佬陪我拍戲，望下當年你靚仔嘅容顏......瘦瘦嘅身形，可唔可以振作番少少？」

唔少網民都覺得好驚訝，細佬拍拖3年就可以有咁驚人嘅「幸福肥」，話完全認佢唔到，以為江若琳post錯相！細佬都好無賴好搞笑咁回覆家姐：「其實我嗰日水腫啫，之後都冇咁不堪。」又話「每個肥仔都係潛力股」，江若琳冇畀面細佬，回覆：「你掉轉晒啦！你係由潛力股變咗肥佬。」其實最厲害係江若琳，大家都讚佢同14年前一樣冇變過，都有人撐細佬就算肥咗都仲好靚仔，同家姐一樣基因夠好。

撰文︰娛樂組