江若琳遇上老公改變「崩潰的一生」 朋友變情人曾被指硬撬蕭唯展

今個月就踏入34歲嘅江若琳（Elanne）近日生活上似乎有啲不如意事情發生，喺社文平台講到面對逆境如何度過嘅問題，更加上Hashtag「痛夠了便能度過」，唔少朋友都馬上留言安慰佢，更加大讚佢堅強。昨日Elanne又再有感而發，今次佢就多謝老公蕭唯展（前名蕭潤邦，Oscar）對佢一直以來嘅付出，內容相當感人。

{{hket:inline-image name="242489995_881357882493399_2641889676914175832_n.jpg"}}{{/hket:inline-image}}

Elanne post同老公嘅合照，留言：「我的人生上半場一直覺得幸福離自己好遠，遇到他之前，我好像沒有一天是開心的，他的出現改變了我崩潰的一生，他教會我堅強，教會我快樂的價值。他告訴我 ，所有天大的事情他都會幫我扛下來，我只需要繼續簡單快樂地生活就可以。你以為這是他的甜言蜜語，他卻默默用行動實現我的堅持我的夢想！有時候，我覺得如果他沒有娶我，也許他正過著超級舒服安逸的日子，就因為我，他承受了太多……很想說一聲對不起，我沒有辦法用言語形容我對他的感激，但我會用我的一生來還給你。#一個失眠的太太想對先生說的話」

Oscar對Elanne嘅關愛可以話一直以來有目共睹，每逢特別節日都會花盡心思同太太慶祝，去年Elanne生日佢為太太訂咗酒店慶祝，Elanne深情留言：「有人話，我最好嘅生日禮物就係佢永遠都咁錫我，其他人講我未必信，但出自佢口我一定信！」

Elanne 2018年與Oscar舉行浪漫婚禮，無論婚前婚後，都不時在網上放閃。二人同年出道，做好朋友嘅10年期間，各有不同際遇。Elanne與前公司鬧合約糾紛，隻身赴內地發展。曾先後與吳卓羲、周柏豪、袁弘等人傳過緋聞；當中要數與內地相聲演員曹雲金嘅一段情最高調，二人因合作《不離不棄》結緣，不過男方名聲毀譽參半，戀情不被看好，最後都係分手收場。而Oscar則告別樂壇，飛到上海拜師學整生煎包，學成回港開店做老闆，事業一帆風順。

後來有段時間，Elanne與Oscar同時身處上海，二人相約食飯，發現與彼此特別投契，Elanne覺得男方有用心專注聆聽自己，Oscar亦覺得Elanne好純品而且孝順，好想保護對方。佢哋都認為經歷一切之後，彼此已經更加成熟，更懂得珍惜。

{{hket:inline-image name="aed022e3b19d6b5d0f4b3ddcf07b896asaasftp20200221.jpg"}}{{/hket:inline-image}}

Elanne結婚之前被指介入Oscar與前女友的感情關係，男方火速強調與前女友分開半年先同Elanne一齊，他表示：「大家都已經有新嘅生活，至於我嘅現在、將來，我一定會好好保護江若琳，多謝大家關心！」Elanne亦非常信任Oscar，公開示愛：「佢係我人生快樂同力量嘅來源，作為一個老公，你永遠超出100分，都係嗰句，我人生做得最啱嘅事係嫁畀你。」

圖片來源：Instagram