引入多間知名品牌 屯門市廣場聖誕生意料增15%

隨住防疫措施放寬，大家都多咗出街消費，黛安知道，信和集團致力提升旗下商場嘅商戶組合，好似旗下屯門市廣場最近便引入多間知名品牌，如新西首間「TASTExFRESH新鮮生活」概念超市、日本人氣品牌「THE MATCHA TOKYO」、「天丼」及本地特色餐飲美饌「聚聚」等，為顧客帶來全新消費及餐飲體驗。加上最近世界盃盛事及聖誕主題活動帶動下，更掀起市民消費熱潮！

信和集團旗下屯門市廣場本月首半個月無論人流或生意額，都比上月錄得唔錯升幅，分別升8%及12%，其中服裝、禮品及餐飲行業升幅尤其明顯。集團仲預計暢旺市道會延續，預計冬至及聖誕假期人流及生意額，分別會上升10%及15%。

信和集團資產管理董事蔡碧林同黛安講，隨住防疫措施進一步放寬及聖誕氣氛愈趨濃厚，市民購物及外出用膳意慾旺盛，加上屯門市廣場多間新食肆進駐，商場旗下唔少餐廳喺冬至訂座率都高達8至9成。加於近年積極引入有潛質嘅商戶，可為顧客帶來更多購物驚喜及貼心體驗。