《愛回家》Mocha丨粗口港姐梁允瑜即興遊摩洛哥 踩Casablanca似難民營：可以不去

梁允瑜（Chloe）2021年度參選香港小姐競選，當時一段爆粗短片曝光而影響形象，20強止步，最終10強不入，更因而被傳媒封做「粗口港姐」。Chloe落選後佢同TVB簽約，入劇組拍劇，不過Chloe依然好我行我素，日前佢就批評人哋國家旅行點似難民營，好敢講喎！

同場加映：百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷

{{hket:ul-video id="7170"}}{{/hket:ul-video}}

Chloe之後都有不時開live，仲會喺自己嘅YouTube channel爆料，講嘢都仲係咁「惹火」。之前有網民問佢係咪畀人包養，佢就霸氣回應：「我都想，畀人包仲使咁忙返工。Sorry我鍾意自食其力。」更有人狠批佢貪慕虛榮，入TVB選港姐，仲寸佢最後落選，冇得「釣金龜」，好心涼咁講。梁允瑜亦沒有迴避問題，回應：「睇你點定義貪慕虛榮，邊個唔想有錢有權力有地位，同埋sorry我冇諗過釣金龜，我靠自己好足夠，唔鍾意靠男人。」有人寸佢對答膚淺，佢仲索性寸爆咁問對方做咩仲睇佢，非常「搶口」。

{{hket:inline-image name="316966713_532319808748097_5211078941324256640_n.jpg"}}{{/hket:inline-image}}

近日摩洛哥隊足球隊揚威全球，成為首支躋身世界盃4強的非洲球隊，成為國際焦點。相信唔少人對摩洛哥嘅印象都唔差，事關1942年的美國經典電影《北非諜影》（Casablanca）實狂太膾炙人口，話佢係一個浪漫嘅國家，相信大家都唔會反對。

不過Chloe就有一番見解，佢早前同朋友去到摩洛哥即興旅行，對Casablanca有彈冇讚，表示：「Casablanca Medina（卡薩布蘭卡跳蚤市場）完全就是街市於難民營的Mix，衛生差不在話下，還好毫無特色，總括而言可以不去。」之後佢再去到被譽為必到景點、世界唯一建喺海上嘅清真寺「哈桑二世清真寺」（Hassan II Mosque），同樣係唔多收貨，留言：「經歷十號風球似的大風和突如其來的大雨後，終於到達哈桑二世清真寺，但是不給進入。我已經心累了，吹到頭都痛腳又痛，到摩洛哥的可以直接skip掉Casablanca，thank you」

圖片來源：Instagram