傅家俊應維特健靈邀請 分享護眼及康復心路歷程

香港桌球手傅家俊上月喺紅館打出「一桿147」，相信唔少人仍記憶猶新。呢位香港「桌球之光」嘅實力和出色表現，令人為之振奮。2018年家俊喺英國比賽期間，突然發現左眼出現黑點，其後發現係視網膜出現問題，需要立即接受治療。前年疫情期間，佢發現右眼都出現黑點，呢次更延伸至玻璃體問題，所以都休養咗一段長時間，但休養期間佢都不忘練習。

黛安知道，上月嘅比賽係佢休養以來，第一場打得較好嘅比賽，亦為佢重返球場打咗一枝強心針。家俊亦深深感受到及早保護雙眼健康嘅重要性，近期佢收到維特健靈「目清素」嘅邀請，分享之前受眼疾影響嘅困擾，以及康復嘅心路歷程；兩者一拍即合，家俊坦言，佢真係需要一款好嘅眼睛保健產品，令作為運動員嘅佢可以放心食用，佢仲話要「補好雙眼」，繼續迎戰各項大賽，為香港創造出更多奇迹。