提升疫後抗逆力 「滙豐香港社區節」11.27舉行

「滙豐香港社區節」係年度盛大嘉年華，由滙豐與香港社會服務聯會合辦，旨在喺疫後提升社區抗逆力。今年活動將於本月27日喺中環遮打道行人專用區舉行，共分6個區域，分別以「運動」和「升級再造」為主題。「運動體驗區」就會透過遊戲，提升大眾對身心健康嘅關注，仲會介紹為傷健人士和長者而設嘅運動；而「升級再造體驗區」則設有升級再造塑料、再生紙和木材嘅工作坊，畀大家認識相關手工藝創作及價值。

除咗中環嘅活動，全港18區亦有多項活動，由68個獲選「滙豐社區夥伴計劃2022」項目嘅社福機構舉辦，估計將有34萬人受惠㗎。