姆明3D八達通配飾登場 銀包客優先訂

經典童話「姆明一族」每個角色都好可愛趣致，黛安聽聞，八達通最近都推出咗「姆明一族3D八達通配飾」，3位深入民心嘅角色，包括勇敢單純嘅姆明（Moomintroll）、偶爾享受孤獨嘅流浪旅人史力奇（Snufkin），及古靈精怪嘅小美（Little My），每款都好可愛，粉絲一定要去搶購呀。

例如白雪雪嘅姆明手執露營燈、背起大背囊，準備踏上冒險之旅；流浪旅人史力奇就着上經典綠色草衣和頭戴草帽，思考緊人生哲理；仲有愛搗蛋嘅小美，臉上流露滿腦子嘅鬼主意呀！每款售$188（不設按金及儲值額）。

即日起至10月3日下午5點，八達通銀包客戶可優先喺八達通App預訂，兼享免郵費；10月12日起喺全綫7-11便利店公開發售。