吳浩康太太誕8磅11大碼B「撑撑」 郭思琳捱17個鐘：大件到出唔到嚟

吳浩康（Deep）與郭思琳（Margiela）今年3月初宣布奉子成婚，Deep曾提到太太預產期於九月，透露會陪愛妻入產房兼幫BB剪臍帶，今年六月時Margiela個肚已經非一般大，條腰真係好攰，連出街都可免則免。今日Margiela終於宣布「卸貨」重磅巨B！

同場加映：炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

{{hket:inline-image name="277843169_357053896352102_607836652082975230_n.jpg"}}{{/hket:inline-image}}

Margiela post出產後同bb以及老公嘅合照，留言：「撑撑（乳名）小朋友! 歡迎加入吳氏家族! 🎊呢十個月以嚟唔知幻想咗幾多次你係點嘅樣，一直知你係大碼B，只係估唔到有份量成咁，亦估都估唔到自己肚仔可以佗到個8磅11嘅BB…怪唔知催生咗17個鐘你都唔肯出嚟啦，原來係大件到出唔到嚟。」

Margiela為咗順產「撑撑」痛足17個鐘，最終都係要開刀，佢「猶有餘悸」咁表示：「今次呢個生育過程真係痛不欲生，最難捱嘅係好想順產，但一直催生到開刀前都等唔到宮頸打開，淨係不斷地feel到劇烈陣痛…. 不過最後見證住你平安出世，呢樣先係最緊要!（我仲好記得喺產房Deep爸爸聽到你第一下喊聲，佢開心到好似中獎咁成個彈起!🤣）爸爸媽媽第一次為人父母，好多嘢都無經驗，但我哋會盡量去學，盡量去做，俾我哋所有嘅愛同耐心陪伴你長大，希望撑撑你有一個開心嘅童年!!😘」最後佢多謝老公陪入產房，以及幫佢接生嘅一班醫護人員。

Deep回應《晴報》時好開心咁分享BB係男仔，不過就未改名，仲同爸爸商量緊。佢又表示好心痛太太捱痛咁多個鐘：「太太原本諗住順產，但係去到醫院嘅時候個子宮頸仲未打開，未ready俾囝囝出嚟，醫生建議落催生藥，因為落咗催生藥後會不時有陣痛，仲要係幾犀利嘅陣痛，太太一路承受住痛楚，醫生同護士亦都同佢講子宮頸唔係好ready，唔ready嘅程度係，人哋有一至十度，我太太係一度都冇，太太內心失望之餘亦都好擔心，當然佢亦都好期待囝囝嘅出現，但始終冇呢方面嘅經驗，所以就會再擔心啲。佢足足經歷咗十七個鐘頭嘅呢個狀況。我有剪臍帶。」佢又表示姑娘都大讚太太真係好忍得痛，頂咗咁多個鐘，所以自己都好佩服太太，同埋真係好多謝佢。

圖片來源：Instagram