食用安全︳元朗街坊買榴槤接連中伏 劏開果肉腐爛似湯渣 生果檔拒退換：我都係受害者

適逢榴槤當造期，不少人都會把握時機大快朵頤，但要小心「中伏」。元朗有街坊在網上發帖吐苦水，指自己日前在合益街市附近生果檔買了一個榴槤，結果回家劏開後驚見果肉腐爛；與涉事檔口理論後，對方更指自己「都係受害者」、「特價生果一律不設退換」。對此，事主不禁大呼：「真係無良奸商！」無獨有偶，日前亦有元朗街坊發生同樣遭遇，疑似光顧同一間生果檔。

同場加映：

Sick問識答︳牙肉長期發炎恐萎縮甩牙 牙科醫生拆解牙周病2大後果+改善方法

{{hket:ul-video id="6542"}}{{/hket:ul-video}}

涉事街坊上周六（17日）於Facebook群組「食在元朗」發帖，指自己前一晚於合益街市附近生果檔買了一個榴槤，外殼完整無缺，惟「入面根本唔食得」。從其上傳圖片可見，榴槤劏開後，果肉不但少得可憐，而且更是「霉霉爛爛」，狀似「湯渣」。

事主於是重回涉事生果檔，打算更換榴槤但遭拒，「佢話特價生果一律不設退換。佢仲話佢都係受害者，返咗批貨。」對此，事主認為檔主有心欺騙街坊，由於當晚眼見有老人家買榴槤，因而擔心他們會本著「唔想嘥嘢」的心態照食，

「你明知呢一批榴槤有問題仲賣畀市民！當市民係水魚？食壞人呢？有啲公公婆婆根本唔知榴槤壞咗，見平就買！真係無良奸商！請各位擦亮眼睛，唔好再幫襯呢一間黑店！」

同時，事主更指自己遭檔主責罵，離開時更不禁淚灑當場，坦言自己「真係冇鬼用」，

「我一開聲，兩個女人驚死唔夠大聲一齊除低口罩，一左一右夾住我不停吠，我當時好驚……唔換不特止仲要鬧人。買到爛嘢仲要畀人鬧仲要受氣。」

前一日另有街坊買榴槤中伏

對此，有網民直言：「噚晚有位谷友又係買咗個咁樣嘅榴連，佢話個舖頭名有個『X』字，咁應該係同一間舖，黑店。」翻查「食在元朗」的帖文，上周五（16日）亦有街坊發帖表示自己「中伏」，指在元朗合益街市附近生果檔以80元買了一個榴槤，回到家劏開後發現果肉腐爛，「完全唔食得，有臭味」。

從其上傳圖片所見，果肉的腐爛程度亦狀似「湯渣」，而與上文事主一樣，兩人疑在同一生果店購入。該名街坊亦同樣指出，當自己回生果檔欲更換時，揀榴槤的婆婆稱是「特價貨品冇得更換」，

「但是價錢牌上沒有註明特價生果冇得更換，請各位留意留意，咪中伏。」

此事引來網民熱議，不少人表示自己亦曾光顧涉事檔口買生果時「中伏」，「上次買啲蕉全部爆開嘅，西瓜就爛嘅」、「嗰間嘢不嬲好伏」。但亦有人指出：「平時百幾蚊一個，而家80蚊一個你都知道唔方好嘢啦」、「呢檔生果一直都唔便宜而且偏貴，如果價格偏低已經唔駛諗，肯定伏伏伏。」另有網民呼籲：「報食環啦！」

5招挑選新鮮又多肉的榴槤

「榴槤貴族」負責人Steve早前接受《晴報》時指出，貓山王D197是產自馬來西亞的榴槤品種，亦是眾多榴槤品種中味道最濃的一款。由於其果肉呈金黃色，故有「榴槤黃金」之稱，一直深受不少港人愛戴。以下為5個挑選新鮮又多肉的榴槤方法：

Steve指揀馬拉榴槤時，可用雙手搖晃榴槤來檢查果肉是否屬「乾包」，亦即肉質較硬身結實，口感軟滑而非呈黏糊狀。由於榴槤過熟會使果肉帶濕，當搖晃時聽到「喀喀聲」即表示是乾包。

此外，坊間的榴槤有分為A果和BB果，BB果通常房數較A果少1房至2房，體積也會較小，惟果核同樣會偏小，果肉味道會更濃郁。

果欄檔主教3招揀靚榴槤

本港進濤菓欄負責人GiGi接受《晴報》訪問時曾表示，若要揀靚榴槤，可先從了解「樹上熟」和「摘下待熟」2種榴槤入手。

「樹上熟」：從樹上天然掉下，已經成熟，保鮮期較短，例如貓山王、黑刺。

「摘下待熟」：未完熟就收割，存放期較長，例如金枕頭。

她又提醒，成熟的榴槤要盡快食用，否則於香港的潮濕天氣下容易變質、果肉變爛。她建議若想買一整個榴槤並確保它已成熟，穩妥起見可選擇樹上熟、底部有星形的貓山王，則不怕它又生又不夠香甜。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂