王浩信新髮型被指模仿陳偉霆 網民嘆靚仔大晒：公道講句係幾型

現年39歲嘅王浩信懶理同太太陳自瑤屢傳婚變，喺TVB發展多年嘅佢毅然作出新嘗試，專心留喺內地發展，除咗自組工作室之外，仲有繼續拍劇，現正忙於拍攝張達明、林子聰執導嘅無綫劇《狀王宋世傑》，近日更上載新造型照，得到唔少網民大讚。

勁歌金曲丨陳曉東禁女兒10月來港睇爸爸開騷 陳柏宇爆囡囡公主癌病發被「炳」

{{hket:ul-video id="6489"}}{{/hket:ul-video}}

{{hket:inline-image name="925c89eb74ea25b83391ecddcc43fd86.jpg"}}{{/hket:inline-image}}

王浩信似乎很滿意新造型，留言稱呢個係送畀自己嘅一份禮物：「給自己最好的禮物，就是每天給一個理由讓自己變得更不一樣，謝謝伙伴們讓我看到沒有見過的自己！」王浩信「寸頭」新髮型乾淨俐落，視覺上仲有減齡效果，有別於佢以前「王子型」嘅短髮，令人有煥然一新嘅感覺！除咗髮型之外，佢仲着咗一啲平時唔會見到佢着嘅服裝，一襲長袖花恤衫感覺非常清新，好似變咗第二個人咁呀！

有人話比較喜歡佢舊時嘅短髮；但都唔少人都大讚佢呢個髮型有中國味，亦有人話佢似韓國嘅Oppa，仲有人指出佢呢個髮型熟口熟面，同同樣都係剷青嘅中國巨星陳偉霆撞樣！雖然王浩信嘅「網民緣」一般，但網民都感嘆靚仔大晒：「公道講句，其實係幾型。」、「試下畀大家剪呢個頭，一定肉酸過佢十倍。」、「靚仔真係唔使搞咁多嘢。」、「呢個頭根本唔係靚仔都carry唔到。」、「平頭都型就真係型。」