童時愛上你｜尹詩沛搖身變潑辣人妻怒摑小三 一洗「地踎」感覺：大家讚我靚女

《童時愛上你》今晚播出大結局，昨晚一集講到雷紫彤Amanda（高海寧飾）做完手術後回復所有記憶，她設局「陷害」Raymond（袁文傑飾）的真正目的，是想證明男方對公司十分忠心，希望藉此解開雷董（胡楓飾）對Raymond誤解，雷董知道真相後嬲爆大鬧Amanda反骨；而Amanda幾經辛苦尋回媽媽榮淑琴（文雪兒飾）臨終前拍下的影片，發現她一直對雷董隱瞞患病一事，最後心願是希望雷董可以做個稱職爸爸。雷家各人看影片後大為感動，終於解開心結……

Amanda重拾家庭溫暖，但愛情路卻遭遇波折！Amanda原本拍了影片向Ding哥（張振朗飾）真情告白，但對Amanda充滿敵意的爆基（關曜儁飾）從中作梗，讓Ding哥誤以為Amanda嫌棄他們之間身分、地位懸殊，令「丁紫CP」越走越遠。

{{hket:inline-image name="06f.jpg"}}{{/hket:inline-image}}

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

今晚劇情講述Ding哥辭去Double P CEO職務前往日本發展，Charlie（陳展鵬飾）重新接手公司，Raymond認定Charlie是「雷家最佳女婿」人選。Charlie發力贏取Amanda芳心，大拋愛情金句：「我鍾意一個人，會全心全意為佢付出，無論佢對我點都好，因為我心裏面容納唔到其他人」、「愛情冇得妥協，只有唯一」等。到底Amanda情歸Ding哥還是Charlie？今晚大結局自有分曉！

{{hket:inline-image name="01.jpg"}}{{/hket:inline-image}}

昨晚另一焦點落在尹詩沛身上，飾演Raymond太太Tina的她撕破「溫柔人妻」假面具，踩上Raymond辦公室嗌離婚兼怒摑小三，表現潑辣。

{{hket:inline-image name="17.jpg"}}{{/hket:inline-image}}

入行12年的尹詩沛形象百變，曾在兩輯《十八年後的終極告白》中分飾豬肉婆及問米婆，這次在《童時愛上你》搖身一變演靚靚闊太，亮麗造型獲不少網友好評，大讚她演乜似乜，她受訪時表示：「好開心大家讚我靚女！監製（廖晉碩）今次想我形象同以往唔一樣，希望做到令觀眾眼前一亮，堅持要我染頭髮，出嚟嘅效果都我都幾滿意，好多謝監製睇到我有做靚女嘅潛質，哈哈！」

同時透露在講對白方面落足心機，她說：「因為以前嘅角色，感覺太過地踎，今次專登用比較溫文爾雅嘅方式去演，希望說服到觀眾我係高貴大方嘅靚太。」

圖片來源：大會提供

十八年後的終極告白2.0｜尹詩沛4分鐘「終極告白」演技大爆發 問米戲太逼真遭刪減：唔想嚇親觀眾【下一頁】

撰文︰娛樂組