WhatsGoodAwards丨頒獎禮望鼓勵Hip Hop音樂界新人 阿肥@24味：言論限制創作更具挑戰

首屆《Whats Good Music Awards》將於8月6日舉行，陳偉雄（阿肥@24味）、李凱賢（JBS、Brian@24味）、阿拔及李礎業（Keni）四位主理人大讚新一代Hip Hop音樂人全部都上得大台，希望頒獎禮成為一個平台，讓香港聽眾都能夠看到他們的實力。Hip Hop音樂的內容源自社會，但近年大家都敢怒不敢言，阿肥認為有局限才有挑戰性，創意無限的香港人絕對有獨特的玩法。

同場加映：宋熙年林希靈新節目撼《東張》 前主播丘靜雯唔敢認最靚女

{{hket:ul-video id="6074"}}{{/hket:ul-video}}

C AllStar老闆│阿拔開手機APP頻見姜濤嗌討厭 斥MIRROR壟斷廣告：擾民級別【下一頁】

{{hket:inline-image name="DSC01557.jpg"}}{{/hket:inline-image}}

《Whats Good Music Awards》原定2月8日舉行，不過礙於第五波疫情，最終延期至8月6日舉行，四位主理人中，三人先後中招，Brian說：「其實當係感冒，而家好多嘢都唔合理，外國人入香港打兩針可以，香港人就要齊三針先可以出完去再返嚟，連小朋友喺屋企上ZOOM都要每日快測！What？」阿拔和Keni選擇去歐洲兩個月，遊盡荷蘭、巴黎、英國，沒有特別的行程，只為好好呼吸一下新鮮空氣，Keni說：「COVID影響當然大，其實全世界都一樣，最大影響係生活，人生唔係淨係返工、放工、返屋企瞓覺呀嘛！對於文化圈而言，而家去蘭桂坊落夜店唔畀跳舞、亦唔准表演打碟，DJ係要匿喺廁所打碟。」阿肥都無奈慨嘆：「好配合呢個城市吖，將所有荒謬放喺呢度，就變成合理，當所有荒謬去到極致就啱數，呢幾年見慣好多大大小小嘅荒謬。」

今次頒獎禮旨在鼓勵Hip Hop界的新人，希望將舞台給他們表現自己，阿肥說：「而家好多廣東話Rapper都好有水準，我之前聽一個Rapper講，香港每間中學最少有一個Rapper，香港幾千間中學，大家都係用廣東話去Rap，大家都發掘到廣東話嘅美好，佢哋放學唔係去先達旺中，而係周圍搵人Battle，所以要有個平台畀佢哋，等佢哋知道，做得好係有機會得獎，亦等多啲Rapper被廣告商同品牌睇見，香港玩Hip Hop嘅人都好有型有款！」阿拔指過去3年Hip Hop作品有千多首，數量佔市場不會比流行曲比下去，只是大家聚焦點不在Hip Hop音樂之上。

《24/7TALK》︳森美曾亂服麻黃禁藥自救抑鬱 難忘主持節目犯大錯遭停職處分【下一頁】

24味在香港Hip Hop界被視為大前輩，阿肥卻享受做粉絲，每日在YouTube找新人的Hip Hop音樂，有興趣就主動去睇騷支持，「我係廣東話Rap嘅fans，亦係廣東話fans，廣東話好妙、好到、好啜核！（但近年反映社會歌詞有局限？）都係講真嘢！以前我哋會講社會性啲，而家講真嘢但係自身多啲，大家都明白有條紅線就會去就。其實咁樣創作方面仲好玩，有啲嘢唔掂得、唔講得，你就好想講用大量用語擦邊球，或者用好多討論區推出嚟嘅潮語，明嘅就自然會明，唔明就慢慢去了解。」

{{hket:inline-image name="DSC01527.jpg"}}{{/hket:inline-image}}

今次主題「樂壇唔止佢哋，仲有我哋」，主理人之一的阿拔曾公開指MIRROR的廣告太多擾民，問到主題是否都暗示甚麼？阿拔說：「當時只係好個人嗰一刻嘅睇法，不過今次主題係完全唔關事，『佢哋』係大家一直以來認為嘅樂壇，並不是代表全部，其實我有搞Hip Hop亦有搞Canton Pop，而家市面有好大範圍本地Rap，點解唔帶上大台畀大家認識？」

{{hket:inline-image name="DSC01600.jpg"}}{{/hket:inline-image}}

近年有不少歌唱比賽參賽者，為了表現自己，經常在情歌段落之間加插Rap，Brian笑言：「其實發生咗好多年，如果佢加入Rap係好聽、個Flow又正，當然係好，不過如果係垃圾就係垃圾！如果好屎又夾硬嚟就唔好，照吓鏡，你阿媽話好唔代表好！」阿拔認同廣東話Rap同數白欖只是一線之差，既然不是專業的，何不找專業的人合作？他們認為想Rap或玩Hip Hop，先要了解Hip Hop文化，Brain說：「聽LMF、24味啦！文化呢樣嘢唔係跟Trend就去做，真係要識得背後個理念係點！」

場地提供：Mojo Lounge 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉