Pet Pet星｜余迪偉愛惡魔蟹顏色多夠得意 零互動純觀賞：唔會食咗佢

商台DJ兼ViuTV節目主持人余迪偉，向來給人很有個性，說話爽直又轉數快的感覺，想不到他家中寵物亦有別於常人，他過往曾養過印度星龜、鬆獅蜥、蛇及青蛙等。近年迪偉改養惡魔蟹，知道不同貓狗這類寵物，寵物蟹同主人不會有任何互動，但透過生態缸去觀賞，已經令其感到賞心樂事。

同場加映：張敬軒預年底搞Side Track演唱會 Marf IvySo接受唔到剪短頭髮

{{hket:ul-video id="6061"}}{{/hket:ul-video}}

{{hket:inline-image name="BFHH2654.JPG"}}{{/hket:inline-image}}

{{hket:inline-image name="BFHH2655.jpg"}}{{/hket:inline-image}}

迪偉表示：「不嬲都好鍾意養寵物，而家冇時間照顧貓狗，細個嗰陣就有屋企人幫手照顧。自己搬咗出嚟住唔同晒，之前養過印度星龜同鬆獅蜥，後來屋企有個開放式嘅生態缸，即係個缸上面冇蓋嗰款，最初係養魚同水晶蝦，有次見到惡魔蟹好得意，好多顏色又好靚，於是買咗返嚟養，奈何個缸係冇蓋，佢哋走咗出嚟，喺廳見到以為曱甴，嚇到我死。原來佢哋係會爬出嚟，搞到唔知去晒邊，於是就冇養一排，直至有朋友介紹封閉式生態缸，可以養到蟹同青蛙，有個網防止佢哋走出嚟，加上唔使點打理，又開始再養惡魔蟹。」

口水多過浪花丨余迪偉超反瞓誤傷眼角膜劇痛 Do姐爆笑：盲咗都可以返電台開咪【下一頁】

至於有否幫家中惡魔蟹改名？他話：「冇改名，佢哋點養都唔會好大隻，有幾隻養到脫殼，最多大到手指公第一節咁上下。因為平時唔使點去打理，所以唔係非常之麻煩，一個禮拜換一次水，每日餵佢哋一次。佢哋有病係唔會即刻知道，若果唔食嘢或行為呆滯，即是代表佢哋有啲唔妥。」

提到貓狗和主人能有很多互動，更會嗲人又可觸摸，養蟹始終缺乏這些優點，迪偉卻有自己一套想法，「養蟹當然唔同養貓狗嗰類寵物，佢哋唔會認得你，大家冇乜互動，只係觀賞為主。因為生態缸布置到好似熱帶雨林咁，你可以喺旁邊觀賞佢哋食嘢，惡魔蟹嘅樣係得意又顏色靚，係冇得放佢哋出嚟，唔會好乖跟住你行或對住你吠之類。講真好多人養寵物一定要雙方有互動，冇互動就覺得把鬼咩，其實養魚都未必條魚認得你，覺得純粹觀賞都係一件賞心樂事。」

幼稚園老師狂爆怪獸家長變態行徑！余迪偉不忿：你個仔先未夠班【下一頁】

問過往有養過其他另類寵物？「除咗講過印度星龜同鬆獅蜥之外，仲有養過蛇同青蛙，反而蜘蛛就冇養過。（會否為惡魔蟹而唔食蟹？）又唔會因為養蟹而唔食，我係好鍾意食蟹嘅，但唔會食咗我自己養嘅蟹。」迪偉原來也影響到身邊朋友，有朋友見到他的生態缸整得好靚，於是學他一樣養寵物蟹，但效果不是很好。

（↓點擊放大睇圖片↓）

此外，迪偉自從商台經典節目《一八七二遊花園》結束後，跟拍檔鄒凱光（灘叔）同姚家豪（阿Bu）已有10年沒有合作，最近三人再次走埋，在網上合作主持節目《三叔公園》。迪偉表示：「感覺係非常良好，默契依然，呢樣係好難得，畢竟大家有10年冇再一齊合作做節目，各自喺唔同範疇裏面發展。大家做之前有食過幾次飯，互相feel吓，講真間唔中係有見面，嗰次主要感受番大家講嘢嘅節奏，生活有咩唔同，若果再合作又會點，結果出嚟感覺非常良好，三個人就開始再合作。（會走上舞台開騷？）未諗到咁長遠，自己會唔會再開騷亦未有計劃，睇吓有無投資者先再諗。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】