口水多過浪花丨余迪偉超反瞓誤傷眼角膜劇痛 Do姐爆笑：盲咗都可以返電台開咪

鄭裕玲（Do姐）、朱穗傑（傑朱）和余迪偉日前在電台節目《口水多過浪花》中，談到後者的神奇經歷，他竟然在睡夢中誤傷眼角膜導致劇痛，一度擔心失明，幸好經過醫治之後情況有所改善。余迪偉的「反瞓」程度實在令人嘖嘖稱奇，他形容：「凌晨1、2點瞓，瞓到大約7點擘大隻眼，右眼好痛，去廁所照一照，一睇就好驚！右眼全部紅晒，每眨一下眼好似被刀割咁痛，望到眼珠周邊好似有啲白濛濛嘅嘢，真係好驚！」

同場加映：ERROR嫌新歌點擊率未達標 笑斥MIRROR出歌出得太密

{{hket:ul-video id="5428"}}{{/hket:ul-video}}

【逃犯條例】Do姐電台為示威學生哭崩3分鐘 王宗堯遊行獻白花悼念死者【下一頁】

{{hket:inline-image name="271047683_459987028830373_7604354274692805375_n.jpg"}}{{/hket:inline-image}}

{{hket:inline-image name="70335768_10157935967598623_3219816357654691840_n.jpg"}}{{/hket:inline-image}}

余迪偉稱用生理鹽水洗眼之後都一樣痛，他試用膠紙貼住眼皮，希望減輕痛楚繼續瞓，「好似一粒好大嘅沙入咗眼，好似被針刺咁痛，好辛苦，不斷流眼淚水，右邊鼻水都不斷流！我心諗，死啦會唔會盲？係咪青光眼？盲咗隻眼冇距離感就打唔到波？揸唔到車？」此時，Do姐未有安慰余迪偉，反而超淡定笑言：「唔怕，你盲咗都可以做電台開咪，搵傑朱去接你，帶你返廣播道咪得囉！」

余迪偉續言自己獨居，原本打算叫救護車，但礙於疫情擔心影響人手調配，最終致電胞姐，並到眼科醫生求診。醫生估計他是睡覺時捽眼或者被床邊的物件插到眼，導致刮損眼角膜，眼皮與傷口接觸之下導致出現劇痛。「解決方法好簡單，醫生滴兩滴麻醉藥已經好好多，後來佢畀類似隱形眼鏡嘅膠布我戴住，直至戴到下星期複診，其實戴咗之後已經紓緩80％痛楚，真係謝天謝地！」

余迪偉4月開騷 王菀之小儀畀面力撑【下一頁】

大家都對於余迪偉睡夢中傷眼大感好奇，而他卻不感意外，全因知道自己自細已經嚴重「反瞓」。「我細個同哥哥瞓碌架床，試過瞓上格床碌落地，『反瞓』到離晒譜！我試過夢遊，當時三年班，老竇突然間將窗架上晒鎖，唔話我知咩事，可能怕我會驚；我後來先知，原來有一晚父母睇緊電視，我夢遊行出廳兜個圈之後，先至返番去房瞓！」

長大後的他現時是否還會夢遊？余迪偉說：「我懷疑有，間唔中，因為有時瞓醒大髀會無啦啦瘀晒，（有冇諗過睇CCTV？）我怕自己會驚，費鬼事！近年自己一個人瞓，我有輕微睡眠窒息症，但我都冇戴協助鼻鼾嘅呼吸機，因為就算戴住，瞓醒之後都會發現嗰支管跌咗落地。」其中一件夢遊奇事，是多年前招呼朋友在家留宿，根據朋友的轉述，余迪偉當時突然睡到跌落床，「我起身之後嗌『哎呀』，㩒住條腰，不斷將屋企幾組燈掣又開又熄，然後又上床瞓……」Do姐問他平時坐長途飛機會發生甚麼事，余迪偉指試過起飛腳踢面前的餐枱，不慎將橙汁翻瀉，弄濕身旁的乘客，令他大感尷尬和不好意思。

{{hket:inline-image name="2730g.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉