一起走過︳石修童星年代難忘與寶珠姐對戲 注重家庭 帶埋阿仔拍戲有得著

現年74歲的石修接受主持人楊紹鴻、寶珮如訪問，於港台節目《一起走過》上話當年，從入行當童星說起，他曾跟不少粵語片時代當紅藝人合作，長大後亦於電影圈發展，轉輾間又成為電視台小生之一，能演能唱很受歡迎。後來石修聽從太太意願到外國生活，離開了娛樂圈一段短暫時間。

{{hket:inline-image name="05161004.jpg"}}{{/hket:inline-image}}

{{hket:inline-image name="sheksau_278603290_958923144796334_3498727828845461592_n.jpg"}}{{/hket:inline-image}}

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

石修表示：「做童星時間唔係太長，大約4年左右，當年拍戲組數唔太多，十幾日就拍一套戲，當時有啲叫『七日鮮』，七日拍到一部戲，嗰時嘅人力同財力已經超理想，而家電視劇平均4、5日先拍到一集。但係有一個好奇怪嘅教育方式，我而家都唔知點去評價呢樣嘢……當時爸爸話我去拍戲就唔好返學，到而家都唔知點解係咁樣，或者爸爸有佢嘅諗法。（贊成向學校告假去拍戲？）爸爸幫我寫定告假信，唔係為咗錢而拍戲，佢只係話『你鍾意拍戲就同你寫封告假信』，其實係唔好嘅事，到而家我都諗唔通。」直到13歲拍完吳楚帆、張瑛同林鳳領銜主演的《大富之家》，及鮑方、江漢同夏夢主演的《故園春夢》後，石修因感尷尬而重返校園，勉強完成中學課程後，到1968年因楚原再次投身電影圈工作。

石修與太太Maria愛足55年零緋聞 曾暴跌30磅靠秋官帶住學氣功康復【下一頁】

不得不提，石修同陳寶珠亦曾合作，飾演一對姊弟，「寶珠姐好犀利，印象中佢都好似童星出身，當然佢係前輩，早過我好多。粵語片黑白年代拍過一套叫《冷暖親情》，我哋扮演兩姊弟，仲記得胡楓做我爸爸，套戲分上下兩集，上集係講我同寶珠姐細個時，到下集就長大咗，由胡楓做我角色嘅成年版……呢次係我第一次同寶珠姐合作，我哋合作次數唔多，大約有3次左右，嗰時佢已經好紅。」

十月初五的月光｜石修74歲生日大曬童年照慶祝 獲囝囝陳宇琛封「超級英雄」【下一頁】

至於當年為何暫別娛樂圈？石修說：「有段時間工作冇停過，真係每一日都做嘢，後來太太嘅意願，係希望帶小朋友去第二度生活，試吓唔同環境，咁就去咗加拿大。（因家庭放棄演藝事業？）唔係，我比較注重家庭，好錫細路仔。唔會用放棄或犧牲角度去睇演藝事業，我認為有機會就要帶小朋友去試吓，好似阿仔（陳宇琛）一路同我生活，甚至去台灣拍戲時都會帶埋去，畀佢喺嗰邊讀幼稚園，當時佢啲國語講得幾好，佢同當地小朋友一齊長大，細路仔學嘢又比較快啲。」

（↓點擊放大睇圖片↓）

石修早年是正派小生，曾於亞視劇集《縱橫四海》（1999年播放）內飾演大反派「馬壽南」，令劇迷眼前一亮，「有機會做當然開心，我唔係絕對做正派，都做過反派，順住去做啦，其實《天龍八部》（1982年播放）慕容復都係反派角色，當時諗點演呢？佢身為一個皇族後人，態度、修養唔係一副固有反派形象，我當係一個貴族咁去演。」石修2014年過檔HKTV，近年又再為無綫效力，去年作品就有新版《十月初五的月光》，問他是否已有退休計劃？他說：「呢行有一種睇法，做演員有佢嘅特性同好處，係冇退休年齡嘅，可以因應年紀做適合角色。今日我好享受，自己鍾意做戲，所以冇諗過亦冇計劃退休，一路會做啱我做嘅嘢。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】