文青風車仔麵店 創意藥膳湯底

車仔麵，多心的香港人就最愛；車仔餸、麵底自己配搭，想減肥走澱粉的人，又可以轉成菜底，一星期吃幾次也不會厭。位於太子大南街新開的車仔麵店，麵底及湯底都有別於傳統，店內裝潢更文青味十足，當然要潮試一下啦！

太子是小食店的激戰區，要突圍而出，談何容易，而這間車仔麵店就做得到。本店於兩年前在界限街開業，只得6、7個座位，經常出現長長的人龍；位於同區大南街的這間新分店，雖然座位多了幾倍，但周末仍然要等位。

小食選擇夠豐富

受歡迎的其中一個原因是「新鮮感」，車仔麵有少許另類，麵底本地得來又有新元素，好像車仔撈麵加了蒜油、咖喱等，口味有蒜油蝦子撈麵、蒜油咖喱撈麵及日式涼拌烏冬等。至於車仔餸，有燒牛舌芯、燒豬頸肉及燒腩肉，惹味香口，後生仔必定Like爆。提提大家，「燒」的車仔餸即叫即燒，想食就要預點時間等候喇！至於車仔湯麵，老闆表示小店的顧客女性較多，所以特別選用藥膳湯底，以川芎、果皮、菜乾等配料每日新鮮煲，想不到食車仔麵也可以「順手」養生呢！

這裏另一個賣點，就是小食選擇特別多，如黑松露薯條、吉列炸蝦、吉列炸蠔、大阪燒餃子雞翼、唐揚炸雞、醉炸雞翼、關東煮等，部分帶日本風情，每款只是15元至25元，分量少少，食車仔麵時多點幾款也吃得落，完全為愛逛大南街的文青而安排。