愛之深責之切丨陶傑望MIRROR加強實力並非針對 買「鏡粉」怕道歉：12位大爺！我錯！

「兩大仇家」陶傑和蕭若元為男子組合MIRROR隔空罵戰，真的沒完沒了。昨晚（3日），兩人分別在YouTube頻道繼續各自開火。陶傑強調沒有踩MIRROR之意，更抱拳向12子道歉，蕭若元則斥對方為人低莊，目光如豆。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

{{hket:inline-image name="3245678.jpg"}}{{/hket:inline-image}}

陶傑和前無綫編審鮑偉聰在《風雲谷》開Live，鮑偉聰指陶傑前晚所言，指MIRROR是虛火，意思並不是指他們的實力，而是客觀觀察到的現象，替陶傑澄清非針對MIRROR，陶傑接著說：「有一啲缺點亦唔係MIRROR專有，我嚟倫敦半年，睇咗幾場音樂劇，發現冇一首歌令到我感動到熱淚盈眶，但一提2、30年前係咪有罪？我哋以前睇《歌劇魅影》，有幾首名曲唱到而家，仲有一套《Cheese》，有好多藝術品係要透過時間考驗，到而家仲有睇、有人聽先證明到佢係好嘢，唔可以咁樣就話係『老餅』。」

仇家對戰丨蕭若元為捧MIRROR踩劉德華老 陶傑向鏡粉致歉：我冇心引佢出嚟【下一頁】

陶傑又指希望MIRROR加分，為香港留下深的痕跡，才認為12子要加強實力和內涵，反問這有何問題？前晚（2日）曾在商台《光明頂》向鏡粉道歉的陶傑，昨日再次耍冧，指自己沒有貶低MIRROR之意，雖則不會替MIRROR「舔腳趾」，但他卻雙手抱拳說：「唉，你哋12位大爺，我錯，我錯！」

蕭若元YouTube談曾江死訊錯漏百出 錯講林翠名字 誤認金城武係曾江仔【下一頁】

{{hket:inline-image name="93837106_2926820000731127_9094054338258534400_n.jpg"}}{{/hket:inline-image}}

{{hket:inline-image name="20.JPG"}}{{/hket:inline-image}}

另邊廂，對於陶傑前晚的言論，他表示「無心引個超級燈神出嚟」、指蕭若元出於個人仇恨而買對家，蕭若元昨晚在頻道《memehongkong》再度開Live反擊，他說：「陶傑講白，我就講黑，我唔係咁嘅人，佢所謂嘅道歉，係話因為引咗我出嚟，我係話MIRROR係好紅，我係講事實，已經紅咗兩年，咩叫虛火......佢話因為引咗我出嚟，會燈到MIRROR唔紅，所以同鏡粉講Sorry，其實佢想鏡粉遷怒喺我身上。呢個人幾低莊，佢話我走佬嚟台灣，熟悉我嘅聽眾都知道，2020年2月我因為疫情過嚟台灣，一路返唔去，話我個仔爭人錢，我個仔啲財務問題已經解決晒，好奇怪啲人話我小氣講陶傑，陶傑喺香港嗰陣時，喺《光明頂》，個個禮拜講我兩、三次，因為講得多，我先兩、三年還擊一次。」蕭若元狠批對方說話沒有邏輯，不認為MIRROR要走向國際化要面對不少問題，蕭若元指MIRROR在外國非常出名，斥陶傑目光如豆。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】