陳志雲揭MIRROR工作人員冇禮貌 寸嘴問商台職工：你邊個部門㗎？

陳志雲前日（19日）在YouTube個人頻道的「時事短評」環節，開題「難為了姜濤」，提及現時炙手可熱的姜濤不時受到私追的煩惱，寄語大家應該給姜濤的空間，他說：「藝人喺鏡頭下嘅壓力已經相當大，喺鏡頭以外，自然希望能夠有多啲自己嘅生活空間。」

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.jpg"}}{{/hket:inline-image}}

男團MIRROR人氣當旺，是非自然多，早前有「鏡粉」（MIRROR fans暱稱）指MIRROR IG管理員做事不用心，欠缺宣傳，沒有更新樂壇成績等等，而且不滿IG管理員態度惡劣，搞到MIRROR經理人花姐（黃慧君）要公開表示：「小編其實係好想做得更加好，以後會注意多啲表達方式，雖然係咁，佢嘅回覆都係唔恰當。小編嘅錯，都係我嘅責任。我代佢同大家道歉。我哋會再做好啲歌同IG，令大家可以更了解MIRROR。」

姜濤發9字真言勸姜糖不要私追 「請真的給我一點空間」【下一頁】

身為商台首席智囊的陳志雲，他表示在商台聽過有同事抱怨MIRROR幕後團隊，陳志雲說：「MIRROR有啲個別成員久唔久都會嚟電台接受訪問，有啲同事係佢哋嘅粉絲，一知道佢哋會嚟嘅時候，趁機會走到去直播室等佢哋，希望可以同佢哋影到張相，有個同事咁樣講，當時有個跟住MIRROR嘅工作人員都幾唔禮貌咁同佢哋講『你屬於邊個部門㗎？你咁樣嚟要求影相，有冇徵求你上司嘅同意？』結果個場面都搞到幾尷尬。」

姜濤遺憾冇完整中學生涯 「內心深處有種唔順氣自己咁肥」【下一頁】

{{hket:inline-image name="185373905_761213497919689_82111999190658309_n_600.jpg"}}{{/hket:inline-image}}

陳志雲直言很明白，藝人的工作行程有時的確很匆忙，完成訪問後，或會沒有多餘時間跟其他人合照，不過陳志雲認為有個更有禮貌的做法，他續說：「可以代表藝人講聲『對唔住，因為工作關係，今日真係唔可以多留影相。』我諗只要咁講，大家都可以諒解同明白，又唔需要一定用到頭先嗰種語氣，同埋嗰種語句嚟表達，呢啲係我聽聞，有冇咁樣發生，我真係唔知道，如果真係有呢啲情景發生過嘅話，咁就希望幫助MIRROR宣傳嘅同事，可以參考吓呢個意見，畢竟都係大家愛MIRROR先會有咁嘅反應。」

不少網民看過陳志雲這段影片後，都留言表示個別在MIRROR身邊的工作人員經常有不禮貌的態度，希望對方可以改善，「謝謝你，溫馨提示MIRROR工作人員態度要改善」、「估唔到MIRROR Artist Management 連對商台員工都不禮貌」。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}