萬眾期待!人氣男子組合MIRROR出道踏入第4年,今年首登紅館,今日(26日)MIRROR正式公布,將於7月25日至31日、8月2日至4日舉行10場《MIRROR.WE.ARE LIVE CONCERT 2022》紅館演唱會,票價為$1,280、$880及$480。MIRROR的官方IG出Post留言:「這一年來,每個與鏡粉見面的機會都得來不易。我們一直努力準備,期待再次為你們表演的機會來臨,一月二月逐月去等,終於等到七月再相見。感激你們陪伴MIRROR一路走來,能團聚人海中有你是祝福。」
MakerVille行政總裁魯庭暉今日帶領MIRROR 12子在西九文化區藝術公園出席演唱會記者會,吸引大批「鏡粉」到場支持。副隊長Anson Kong(江𤒹生)預告演唱會暫定有10場,隊長Lokman(楊樂文)透露今次開四面台,但仍未知可容納的入座率。他們表示希望可以趕及開演唱會前,每位成員都有屬於自己的單曲,Anson Kong說:「我哋第一年出道開演唱會嘅時候,基本上只係得一隻屬於我哋嘅歌《一秒間》,所以都希望今次唱多啲我哋自己嘅作品。」
MIRROR成員|Ian曬爆肌相遺憾未能於演唱會除衫 呼籲粉絲幫忙P圖圓心願結果係..【下一頁】
距離開演唱會還有3個月,MIRROR現時已積極投入籌備工作。提到部分成員都是「肌肉擔當」,今次會否騷肌演出?他們隨即起哄笑指Jeremy(李駿傑)負責:「佢會唱自己隻歌《半》,然後就赤裸半身,但唔知上半截定下半截。」Jeremy聞後即一臉尷尬地笑說:「咁我露半邊面?或者騷蘋果肌囉。」至於Ian(陳卓賢)在去年的演唱會中,沒份演出「六壯士」環節,搞到他當時在IG留言:「其實我真係好想可以參與到佢哋呢part,我諗係今次concert最大嘅遺憾,有無有心人可以圓我一個心願將我Key番落佢哋度?」Hellosss(Ian Fans暱稱)立即為他P圖圓夢,問到Ian今年會否騷肌?他說:「我就唔會,因為我已經幫自己嘅作品搞緊重新編曲,我覺得做好舞台上嘅表演已經足夠。」
CHILL CLUB推介榜頒獎禮丨Anson Lo連掃兩個大獎威盡 被姜濤Fans洗版質疑賽果造假【下一頁】
對於Edan(呂爵安)的Fans不滿張天賦(MC)奪得「CHILL CLUB年度新人」金獎,Edan只能獲得銀獎,Edan說:「其實大家誤會咗,個分牌唔係講緊我得咗幾多票,我自己都唔清楚。」Lokman為他解圍表示:「一定冇得造假,想賽果理想,大家一定要投票。」提到張敬軒輸給Anson Lo(盧瀚霆)失落「CHILL CLUB年度男歌手」獎項,他坦言輸也是理所當然,Anson Lo就回應說:「軒仔呢幾年一直好留意我哋,成日睇住我哋,有前輩關心同照顧MIRROR,我哋梗係好開心啦!」
隨後12子以普通話接受媒體訪問,Lokman一向是普通話大魔王,隊友笑笑口建議他在演唱會唱國語歌,Lokman大口氣說:「其實我覺得普通話歌唔難,不過用普通話講嘢好難之嘛!」Lokman隨後將咪高峰遞向Frankie,Frankie展示他不太靈光的普通話,「好興奮,好開心,又盛...」令全隊人齊齊捧腹大笑!
尾場淚灑九展|MIRROR承諾進軍紅館開演唱會 姜濤期待拍處男作與毛舜筠演母子【下一頁】
在商台《叱咤樂壇》謝茜嘉的訪問中,姜濤指自己有畏高,他說:「上次飛船,我都驚,如果今次再嚟飛船,我有諗過同唔同導演講,因為紅館會再高啲。」同樣怕高的Anson Kong接著說:「我哋開過一次會,的而且確有諗過向高發展,但今次唔同,九展嗰個叫2樓,紅館嗰個叫山頂,高度係差好遠,我話『可唔可以盡量避一避。』。」Alton(王智德)笑說:「MIRROR好自由㗎嘛,係咪?我係持贊成票,有幾高得幾高。」Jer(柳應廷)隨即和應Alton,Stanley(邱士縉)問Anson Kong:「你有冇諗住點拆呢?」嚇到口窒窒的Anson Kong即說:「Er......加多兩條安全帶囉!」
同場加映:保錡@ERROR自認唔夠靚仔推新歌自嘲 搞笑背後:花盡氣力做個合格的人
採訪:黃寶蓮
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】