音樂旅情︳Joe Junior憶當年露點拍《半斤八兩》 歌手轉行拍劇全靠歐陽震華教路

現年75歲殿堂級歌手Joe Junior接受《音樂旅情》主持人楊紹鴻訪問，由入行錄唱片講到近年拍戲。首齣電影是客串許氏兄弟的經典作品《半斤八兩》，在後巷被石堅帶領的壯漢打劫，令他在處男作便要露點上陣。後來相隔多年，Joe Junior在活動上獻唱，偶然結識到無綫高層，言談之間提出想拍電視劇，結果開始在電視台工作，而他最經典的作品是同胡楓、謝賢及曾江主持的《四個小生去旅行》。

同場加映：潮什麼丨梁芷珮疫情下出遊拍攝感受良多  「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="04122001.jpg"}}{{/hket:inline-image}}

{{hket:inline-image name="04122002.jpg"}}{{/hket:inline-image}}

Joe Junior指昔日常常跟隨父母、舅父阿姨去派對，大家開心唱歌跳舞，他在旁就邊睇邊學，最後愛上了唱歌，到讀書時就開始夾Band，「玩玩吓之後有間夜總會畀個機會我哋，每個星期賺少少外快，每星期五玩一玩。有次佢請咗隊英國樂隊嚟香港大會堂表演，搵咗我哋做客席樂隊玩咗兩隻歌，跟住畀鑽石唱片公司睇到，唱片公司同Uncle Ray好熟，Uncle Ray又同我爹哋好熟，大家係朋友，爹哋就叫Uncle Ray幫口，我去試音之後又得，就入咗去錄咗第一隻唱片，1967年開始正式加入樂壇。」

Joe Junior唔介意做御用神父：做好個角色已經係主角【下一頁】

至於中途又去拍電影？Joe Junior表示：「拍戲就要多謝許冠傑、許冠文，唔知佢哋點解會諗起我，《半斤八兩》算係我嘅處男作。劇情講堅叔喺冷巷度打劫，見到我就捉咗我入去，要我除衫，係第一次露兩點。（有想過搵你的原因？）原因可能關照我，或者畀個機會我。（從未學過做戲？）冇，我睇戲多，覺得做戲唔一定講晒對白出嚟就得，眼神、出嚟自唔自然先係做戲。」他指《半斤八兩》之後，許氏兄弟又請他拍《摩登保鑣》，而戲中拍檔是Uncle Ray。

Joe Junior近年演電視劇為主，上年有份參與由李佳芯做女主角的《智能愛人》，但他主持的《小生去旅行》系列卻很受歡迎，2013年同胡楓、謝賢拍攝《三個小生去旅行》，2015年添食加入曾江為《四個小生去旅行》，而最經典是謝賢在宣傳活動上掌摑曾江，至今仍為人所談論。提到當年如何加入無綫，Joe Junior話：「喺深灣遊艇會一個Ball要我去唱半個鐘，唱完先知道有高層喺度。介紹傾偈時講話想試吓拍電視劇，仲有個醫生好朋友同佢哋好熟，傾傾吓忽然話Ok，咁就入咗去拍第一套劇《網上有情人》，嗰時拍劇仲未習慣對鏡頭，歐陽震華真係叻仔，提我鏡頭喺邊度，唔好用Pat Pat對住鏡頭，咁就學到嘢，一路學到而家。（喜歡唱歌還是做戲？）一定要我揀就係唱歌，而家唱歌同拍電影都鍾意，之前拍咗羅守耀嘅電影《消失的兇案》，我角色有好多戲，做律政司有好多對白，又愛上咗做戲。」

（↓點擊圖片放大↓）

提到有否想過攞獎？Joe Junior說：「呢啲我唔諗，有份參與已足夠，有人問過我有冇諗住攞電視劇嘅最佳男配角，我話我唔需要呢啲，總之有咁多個監製，每一個監製畀一、兩集就夠，集集我都係主角，你睇我今集就得，我就係今集嘅主角。事實係你叻、有人仲叻過你，覺得唱歌演戲呢行，真係學到老、做到老，日日新鮮有唔同。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】