音樂旅情︳盧海鵬再扮「羅記」唱《幾許風雨》 80歲生日未言休繼續接戲拍

盧海鵬今日（21日）80歲生日，日前接受《音樂旅情》楊紹鴻訪問，在節目內分享近況及昔日扮嘢趣事，還獻唱羅文的金曲《前程錦繡》、《幾許風雨》及《激光中》，鵬哥更一度「羅記」上身，為觀眾、網民帶來不少回憶及歡樂時光。

{{hket:inline-image name="12211001.jpg"}}{{/hket:inline-image}}

{{hket:inline-image name="20211221110304.jpeg"}}{{/hket:inline-image}}

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

鵬哥透露因疫情影響，有2年多時間沒有工作，笑言已轉行去跑步，而跟發哥（周潤發）行山後，身體和精神明顯好了很多。他說：「冇嘢做就轉行去跑步，雖則無錢，但因為跑步之後少咗睇醫生，醫療費都慳番晒。由於有跑步，人的確係精神咗。」鵬哥錄影節目時，未到80歲生日，據知今日正日，跑友們為他準備生日蛋糕慶祝；而黃日華、李子雄、江欣燕及陳敏兒等，日前亦跟他預祝生日。

盧海鵬性格火爆曾追打江毅 踢爆李家鼎愛欺善怕惡【下一頁】

提到扮嘢能力超高，是否早期於《歡樂今宵》開始鑽研？鵬哥表示：「又唔係，做戲即係扮嘢，你識得做戲就識得扮嘢，做咩角色都係，你扮一個角色……正如我未做過經理，就睇以前啲粵語殘片，模仿人哋點做經理，變咗模仿人哋；演咗出嚟係我接受到嘅，後來變咗識得扮嘢。（為何扮羅文如此神似？）最緊要知佢唱歌技巧，面部表情同埋小動作，佢出鏡就好少小動作，平時就會眨眼，講兩、三吓就眨。扮人要有笑料，唔係話要扮到好似，咁會令觀眾睇到好冇癮，我嘅技巧就喺嗰度。過往模仿咗好多人，識嘅、唔識嘅都模仿，佢若果冇特點，模仿佢都無謂。」

風雨不改｜79歲盧海鵬獲發哥接送上山跑步 改善腳痛問題：身體比以前好咗【下一頁】

至於最多觀眾談論的一次，應是鵬哥扮欣宜，最為經典，搞到肥姐（沈殿霞）笑到當場失禁。鵬哥笑說：「嗰時係專登整蠱阿肥，知道佢一定忍唔到，出場前猛追問我『一陣間扮我個女，點呀』，我就話一個女仔咁囉；因為阿肥係出場先，佢一出場，我就去裝扮，結果我一出嚟佢就死啦，哈哈！搞到佢瀨尿，真係瀨。（之後有追打你？）佢好多嘢都有打我，我試過困住佢隻狗，因為佢隻狗見人就吠，咁我就用啲廁紙包住佢再塞入櫃桶。」

（↓點擊放大睇圖片↓）

鵬哥入行至今近50年，見證娛樂圈的變化，「當年咩都有得做，而家就好似有好多限制。（演員同上一代很不同？）大家做法唔同，我哋以前唔會諗住自己會紅，最梗要係有嘢做，同埋研究點樣做得好，完全冇思想負擔，做完就算幾辛苦都好，都唔會覺得辛苦，錢銀又唔太計較。而家就唔係，譬如歌星……以前一開聲就已經好好聽，而家就音樂大聲，一唱就冇聲，總之有好多嘢唔同。（會否計劃退休？）冇所謂，有得畀我做就做，能夠做到就做，做唔到梗係難講啦！大動作就唔好；你唔使我做又得，有跑步就得，咁就身體健康，之前都有拍《風暴》系列，接咗幾日戲。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}