音樂旅情︳葉振棠憶當年代羅文去智利比賽 視力減退永不言休：做到唔唱得為止

香港殿堂級歌手葉振棠（棠哥）這日接受《音樂旅情》楊紹鴻訪問，即場獻唱經典金曲及英文歌外，更分享當年灌錄《戲劇人生》時期，曾代羅文去智利參加比賽，又表明永不言休，會做到唔唱得為止。

同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

{{hket:inline-image name="02142001.jpg"}}{{/hket:inline-image}}

{{hket:inline-image name="02142005.jpg"}}{{/hket:inline-image}}

棠哥記得1980年1月2日所屬唱片公司（EMI）來電，相約他去錄音室試唱一首中文歌，「返到去見到黎小田等人，叫我試吓唱呢首歌，揸住歌譜時見到未有歌名，跟住我就唱咗Demo；大約過咗一個禮拜度，唱片公司打嚟話選中我唱呢套劇嘅主題曲，叫做《浮生六劫》，我就錄咗呢首歌，仲好運係唔係好耐，唱片公司話仲有首插曲（即《戲劇人生》）叫我唱埋，本來係女主角唱嘅，但係可能唱出嚟效果唔係好好，於是就搵我唱，話套劇趕住出街好趕，又記得我都趕住代羅文去南美洲比賽。雖然係女仔Key但音樂Ok，可能嗰位女主角好似小鳳姐咁低Key，公司話無問題就錄音啦！但錄到尾嗰度好高收唔到，我就提議用英文歌唱法，用假聲去唱。嗰一年首歌就攞獎，首歌仲Hit過主題曲。」

葉振棠75歲視力剩不足一成 入行半世紀首首金曲仍有未了願【下一頁】

追問當年代羅文出外比賽的原因，他說：「當時羅文已經好紅，撞啱海城夜總會開張請佢登台，但又應承咗智利一個世界性嘅唱歌比賽，你話點選擇？佢梗係選擇去搵錢，好現實。當時係用一首廣東歌去比賽，唱片公司就叫我代羅文去比賽，嗰時我仲未出《浮生六劫》，只係啱啱錄好。我同負責作曲、作詞嘅鍾肇峰坐咗48小時飛機，因為嗰時仲未有直航……入到南美洲全部人講西班牙話，分分鐘搭錯機，直至有程機聽到有人講英文，即係走去傾兩句，原來係一位菲律賓人，佢都係去比賽，嗰時知道冇轉錯飛機。終於去到場地比賽，唱咗首歌但冇攞獎，後尾返嚟冇收錄喺我唱片，羅文自己攞番。」

音樂旅情︳李龍基憶昔日唱酒廊月賺24萬 揸保時捷一晚走8場收300張告票【下一頁】

講到《浮生六劫》後差不多包辦麗的劇集的主題曲，棠哥表示：「當時電視台要我簽一個合約，唔係藝員約，亦唔係歌星約，係要我同佢唱六套劇，由《浮生六劫》開始計，之後《大內群英》、《浴血太平山》、《太極張三豐》、《游俠張三豐》同《大俠霍元甲》；唱完六套之後，唱片公司就將我掉過去TVB，當年個個都係咁，因為有好多節目宣傳你嘅唱片。（《霍元甲》影響深遠？）好犀利，我成日攞獎，今年因為呢首歌再攞獎。」他透露過檔TVB第一首歌是《戲班小子》，之後獲顧嘉煇「度聲訂造」《忘盡心中情》。

（↓點擊圖片放大↓）

至於多年來有否想過收徒弟？棠哥話：「係冇正式收徒弟，都有啲『哎吔徒弟』，我又唔知係咪真係教到一個學生。有時我練歌，就叫佢哋一齊練，有啲地方就畀啲意見，就係咁簡單，唔會專登收徒弟。（近年身體狀況如何？）見我仲可以郁、唱歌就知，體力仲可以，做到唔唱得為止。（有考慮過退休？）唔會，曾經係有諗過退休，入行25周年時已經諗過，後來個個都勸我仲唱得，做咩要退休，諗諗吓又係，咁就繼續唱。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}