音樂旅情︳張武孝大AL曾放棄唱歌轉行做生意20年 下半生賺健康：對唱歌仲有火

現年71歲歌手張武孝（大AL），上世紀70年代憑其獨特沙啞唱腔走紅樂壇，是玉石樂隊主音，後期作個人獨立發展，經典作品有《鬼叫你窮》、《發你個財財》及《我的歌》等。大AL於1987年放棄唱歌事業，轉行去做生意，先後到泰國、天津及東莞等地工作，放下唱歌足足20年；直至近年重返香港娛樂圈，2015年同好友李龍基、威利合作開騷，2016年參與電影《選老頂》的拍攝，2018年拍TVB劇集《兄弟》等，再次活躍於歌影視三方面。

同場加映：《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

大AL這次接受《音樂旅情》楊紹鴻訪問，同觀眾分享他的故事。對於疫情影響工作，大AL輕鬆表示：「好似提早退休咁樣，哈哈！因為疫情前工作量都ok，但之後好似世界停頓咗咁，我哋都要接受，改變一吓自己生活；自己年紀亦唔細，上半生努力賺錢，下半生就努力賺健康，而家有時間就去行山、踩單車。」

{{hket:inline-image name="03072008.jpg"}}{{/hket:inline-image}}

{{hket:inline-image name="03072001.jpg"}}{{/hket:inline-image}}

細AL楊雲驃逝世｜大AL張武孝未能見隊友最後一面 許冠傑撰文懷念昔日音樂夥伴【下一頁】

提到他的招牌沙啞聲音，大AL表明不是天生，而是模仿其他歌手唱法，「唱歌就冇跟老師學過，係模仿唱片去唱。記得我出嚟唱歌時，有一種好流行嘅叫Motown Ｍusic，係黑人好沙啞嘅唱法，咁你唱得好唔好？威唔威呢？最緊要唱到似播唱片，咁就No.1！我就夾硬將聲音壓到好沙啞去唱，盡力模仿。後來我變成職業歌手，一晚要唱3個鐘，茶舞要唱6個鐘，有時同後面啲音樂鬥大聲，（本來）把聲就嗌到冇咗嘞！嗌嗌吓就拆，拆就冇咗，晚晚唱，把聲自然沙咗。」

至於是如何組成玉石樂隊？大AL指當年希爾頓酒店經理想要一隊本地樂隊，於是樂隊領班就搵人組成玉石樂隊（Jade）；可是後期樂隊太多人事變動，已非原有班底，加上樂隊市場逐漸萎縮。最重要是當年TVB只想簽他一個，故大AL選擇離隊發展，「有問過負責人可唔可以簽晒成隊樂隊？佢話唔得，剩係簽我。（原因係？）唔知！嗰時Sam Hui（許冠傑）啲歌係非常流行，唱片公司、TVB同埋市場環境等因素，樣樣嘢好似逼你出嚟唱廣東歌。」

《踩過界II》張武孝大AL因聲帶勞損變豆沙喉 曾失聲離開樂壇20年轉行做生意【下一頁】

大AL在樂壇取得白金唱片的成績後，突然放下唱歌事業，轉行去學做生意，離開老本行足足20年時間，「有好多原因，喺1986年、87年左右，其中一個係感情問題，第二係因為爸爸曾經講過我讀完書出嚟唱歌，『你啞咗唱唔到歌點生活？』冇人養我哋，你點養自己或者第日自己頭家？呢句說話我一直記住喺心；第三係適逢機會，有個朋友想搞間製作公司，叫我學做生意，錢就佢出。其實呼應到我爸爸講嘅說話，學吓做生意又幾好，仲有嗰時事業唔係幾好，我係失過聲，因為聲帶結節，於是決定日頭學做生意，夜晚先去唱歌。但之後發覺兩方面都做得唔好，嗰時最幸運係未成家立室，就放棄唱歌，專心去學做生意。（真係捨得？）娛樂事業方面似乎乜嘢都試過，開個人演唱會、攞金唱片同白金唱片、拍戲……乜嘢都試過晒，覺得只係人生上集，若果有家庭就唔得，於是真直正正，好決絕咁唔再唱歌……咁就20年時間。」

大AL續說︰「冇唱歌就去咗泰國4年，同人搞一間曼谷最大嘅夜總會，未有耐開張，我又去天津搞餐廳、夜總會，留咗喺天津8年……返嚟香港時就成家立室，但撞正沙士，香港經濟麻麻，又突然有人叫我去東莞搞酒店，去咗4年，頭尾就去咗20年。」

（↓點擊圖片放大↓）

大AL最後補充說：「覺得今時今日，自己喺呢個圈仍然係未入流，覺得係錦上添花，好開心停咗20年，再出嚟唱歌，都仲有好多人記得我。問我仲有無火呢？仲有嘅，我要做一啲嘢係自己鍾意嘅，包括拍戲都係，拍戲唔係我老本行，好想做到自己好滿意，亦好多人欣賞嘅角色；如果真係有咁嘅一日，係bonus。其實唱歌、做戲都好，而家都好enjoy。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】