音樂旅情︳海俊傑學做戲搞到黃秋生擰晒頭 曾嫌太老唔想演何依婷爸爸

海俊傑是1994年第13屆新秀冠軍，一度轉戰內地發展，近年才重返香港娛樂圈，於2020年接拍劇集《法證先鋒IV》，去年則有《陀槍師姐2021》、《逆天奇案》、《把關者們》、《星空下的仁醫》及《十月初五的月光》，現正拍攝的有《法言人》。海俊傑未有放棄唱歌，同李施嬅合唱《法證IV》插曲《二次緣》外，上年推出最新個人單曲《一切出門之後可能發生的事》。

同場加映：江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

{{hket:inline-image name="02231006.jpg"}}{{/hket:inline-image}}

{{hket:inline-image name="02231010.jpg"}}{{/hket:inline-image}}

海俊傑這日接受《音樂旅情》楊紹鴻訪問，透露早年跟羅冠蘭、黃秋生及鄧樹榮學戲劇，全是演藝學院的導師，視拍劇為一種磨練，「因為我鍾意玩戲劇，係喺參加新秀之前去學，一個將演藝4年課程濃縮做9個月嘅課程，但我唔係好知做乜，尤其鄧樹榮叫學生戴住面具去搵身邊同伴，然後去feel吓……究竟feel咩呢？我真係唔知做乜。最好玩當然係羅冠蘭、秋生哥教嗰啲即時戲劇，比較實際啲，教你點樣面對鏡頭。」

星空下的仁醫│海俊傑演院長勁乞人憎吸嬲嬲 「出街買個粉 啲人都話想揼我」【下一頁】

海俊傑稱當年意外獲得「優異生」成績，指自己性格太過懶散，考試全靠打天才波，見到黃秋生寫分數時，對他擰晒頭，「有次演戲又冇睇劇本行就出去做，嗰次就係羅冠蘭做導師，我行出嚟時完全唔記得對白，佢就叫後面同學提我，我企出去做嗰陣，係後面講兩句，我就演兩次。做完之後羅冠蘭就話『呢個學生……大家千祈唔好學佢，好懶唔做功課，但係有嘢係值得學習，就係企出嚟keep番住情緒，佢係做到……要畀心機啲』，哈哈哈！即係有咁嘅天份但懶惰，我覺得自己真係偏懶嘅。」

【法證先鋒IV】海俊傑闊別18年回巢演專家 老婆「恩准」同李施嬅拍拖【下一頁】

世事難料，幾年後同黃秋生有不少合作，在內地拍劇集《功夫足球》時又見面，「同秋生哥亦師亦友，嗰次佢好有型坐喺度，我又好有型戴住黑超坐喺度，佢指一指我話『你呀！你又幾有型，不過未夠有型，所以你更加要努力』，我就答『係係係』，原來真係有意思，因為好有型嘅藝人都好努力，譬如四哥（謝賢）、發哥（周潤發）、劉德華同梁朝偉，咁有型都咁努力，我唔夠人有型，咁更加要努力。」

（↓點擊圖片放大↓）

現年49歲的海俊傑續說：「之前住喺北京8年，咁多年嚟可以接觸唔同角色，若果被定型會幾悶。2018年回流香港發展，唱歌、做戲，好感謝大台，做過暖男、英勇警察、大反派、乞人憎院長，嚟緊又有法律專業人士嘅角色。（唱歌、演戲鍾意邊方面？）可以用踩單車、影相做比喻，一動一靜，兩種樂趣係好唔同，所以兩者都好鍾意，得到嘅滿足感亦好唔同；唱歌比較個人化，做戲就涉及很多方面……未來應該雙線發展，可以做到老。（你做戲已經做爸爸角色）《十月初五的月光》監製陳志江搵我時，我拒絕，話盡量唔好啦……好似要步入嗰個階段，睇完劇本真係寫得好，有啲嘢原來你要接受，之後《星空下的仁醫》搵我做院長，做乜做啲咁老角色？原來而家社會年輕化，40幾、50歲就做院長；變咗要接受現實，我就係中間搵個位，依然係要做人爹哋，不過係做一個靚仔爹哋，哈哈！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】