《東張西望》夫妻檔丨李旻芳擁抱喪犬傷痛轉化成愛心 與黃耀英愛心領養受虐唐狗Max

《東張西望》夫妻檔主持李旻芳（Lucy）和老公黃耀英一向是愛狗之人，去年Lucy飼養多年的兩隻愛犬，名叫BB和妹妹，先後離世，令兩人非常難過。此前，兩人對兩隻老狗不離不棄，雖然金毛尋回犬體型大而且相當重，他們仍樂於孭起牠們上落唐樓的樓梯，舉步為艱地陪牠們出外散心吸收陽光和新鮮空氣，非常有心。BB和妹妹因年老先後離開，永藏Lucy和耀英的心中。近日，他們決定再次領養狗狗，希望將這份愛延續落去。

同場加映：黃德斌入行34年欠缺安全感 幸運遇上戚其義成演藝導師

{{hket:ul-video id="5534"}}{{/hket:ul-video}}

我要做業主2｜李旻芳樓換樓原意給狗狗安樂窩 愛犬離世 守諾「帶」去新居【下一頁】

{{hket:inline-image name="241701250_572822524071428_3818356538128151450_n.jpg"}}{{/hket:inline-image}}

{{hket:inline-image name="max1.jpg"}}{{/hket:inline-image}}

{{hket:inline-image name="max2.jpg"}}{{/hket:inline-image}}

Lucy在社交平台分享她跟丈夫黃耀英領養唐狗Max的經過，留言：「話說兩個月前，我同黃生認識左一隻非常怕人、好冇安全感同完全唔識得社交嘅狗狗……每次去Centre探訪佢嘅時候，都係好緊張仲會不停向人吠！好感謝SPCA比（畀）機會我哋領養Max，因為Max係被虐Case嘅證物，由細到大都冇社交生活，好多嘢都未見過、未掂過、未食過、未聞過，令到佢對呢個世界充滿恐懼。好感恩遇到一位好專業嘅訓練員Garay，仲有Assistant Cindy ，佢哋對Max悉心教導，令到Max可以慢慢變做一隻正常嘅狗狗，慢慢對世界有信心，而家去草地玩仲變成一隻好活潑好動嘅狗狗添 #仲話想幫佢影寫真 #但佢貪玩到影唔到一張正常嘅相」。

Lucy、黃耀英接受《晴報》電話訪問，女方笑言領養Max之後，自己的地位立即下降，說：「自從領養咗隻狗狗之後，老公而家咩都係以狗狗為先，一返到屋企，第一時間衝去搵狗狗錫佢同摸佢，我係第二位，哈哈！我又唔會呷醋……我哋隻狗狗太驚呢個世界，佢係好需要愛，所以我反而覺得好開心，搵到一個咁有愛心又咁有責任感嘅老公！見到老公咁愛狗狗，自己都覺得好Sweet！」雖然去年承受兩度喪犬之痛，但二人都認為要將愛心帶給其他狗狗。黃耀英說：「兩隻狗走咗，傷痛當然仲有，有時諗起佢哋都會唔開心。昨日帶Max出去，我都有同老婆講『唔知Max識到BB同妹妹會點呢』；有時我行街街，我同Max講『以前BB、妹妹好鍾意喺呢個位屙尿呀』……唉，傷痛一定喺度，因為家人離開，一切都在心中。」

野外步出│李旻芳提起愛犬漸老激動落淚 不堪別離之痛 願比老公黃耀英先走【下一頁】

Lucy提到每次探訪都聽到Max狂吠，但沒有令兩公婆卻步，Lucy憶起︰「其實初初領養嘅時候，真係好驚，因為佢會不斷向住我哋好惡咁吠，好彩有訓練員陪住，教我哋正確嘅處理方法，先識得點樣同狗狗溝通，等狗狗無咁驚，相信我哋。而家帶咗狗狗返屋企，希望可以畀佢溫暖，等佢知道其實呢個世界係有人愛佢！而家好似多個咗個仔咁，生活習慣同模式都唔同晒，因為訓練員話狗狗需要做運動先會冇咁緊張，做運動消耗一下佢嘅能量，放鬆啲，所以我哋每日早晚都同佢散步，帶佢跑吓，每次最少要半個鐘，放假嘅話就會帶佢去彭福公園放電！而家狗狗比以前好咗好多，開心咗！」

黃耀英大讚Max好乖，初初回家時，人與狗花了兩日時間相處、了解，黃耀英興奮表示︰「佢比我預期中好好多，喺領養中心時我係完全掂唔到佢，佢不斷吠我！一心諗住返到屋企都只係可以餵食同保持距離，殊不知Max返到屋企第二日，佢已經任我魚肉！佢又瞓喺我隔離。（Lucy話自己地位下跌）呷醋係我囉！李旻芳一返屋企就嗌『Max！I Love You』……我就企喺廚房煮緊飯，老婆只會同我講『返嚟喇』，咁咋！呷醋應該係我囉！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

 責任編輯：楊安莉