《東張西望》主持李旻芳（Lucy）家中養了兩隻年邁的金毛尋回犬「BB」與「MuiMui」，日前她於社交網上分享了多張愛犬的照片，其中一張可見她揹著愛犬上樓梯，獲不少網民大讚有愛心：「有愛！ 狗狗真係好幸福！ 」、「好有愛心，希望狗狗身體健康，開開心心」。
（圖片：李旻芳facebook）
Lucy在社交網指家中狗狗今年已經14歲：「雖然行動開始不便，腳仔有時會唔夠力，只係上落樓梯有時要我幫下手，但係都好慶幸年紀咁大仲行得走得！仲係好為食好好胃口！而家愈老愈痴人！哈哈！無論你喺邊都要捐窿捐罅直至身體可以掂住人先安心！好鬼可愛。只要我仲行得走得，我會一直帶住你哋同我一齊行，你哋要加油啊！」相中更可見她手拿著東西，但都揹著愛犬上樓梯，而愛犬似乎亦相當開心， 李旻芳話當做運動咁話。
（圖片：李旻芳facebook）
不少網民亦留言大讚Lucy是個好主人，大讚她十分有愛：「這就是愛，狗狗一定會知道你哋好錫佢，要珍惜每一刻」、「係愛啊，睇到背影就明白你係幾愛你的狗狗」等，亦有人問：「點解唔坐lift？」李旻芳回應：「因為住嘅地址係無lift坐，但又唔想搬走因為怕狗狗唔適應新屋會影響健康。」
（圖片：李旻芳facebook）
去年11月Lucy嫁給《東張西望》主持黃耀英（Darren），當時他們亦特意製作印有愛犬的相框作拍照道具，愛犬亦一同見證兩人的重要時刻。
（圖片：李旻芳facebook）
Lucy在亦數月前曾貼出一張腹大便便的照片，表示自己扮大肚，體會將為人母的感覺。她當時亦留言指為了照顧兩頭年邁的愛犬，而把生育計劃延期，肩負照顧愛犬一生的責任。
（圖片：李旻芳IG）
Lucy接受《晴報》訪問時，直言其實這幾年都想專心照顧好一對狗狗：「因為生小朋友又係另一樣終身嘅責任，目前為止我覺得我嘅時間想專注落BB MuiMui到先，因為現階段年老嘅狗狗都好需要我哋，我唔想佢哋老咗，或者因為無咁活潑同生活唔方便就變咗無人錫佢哋。因為我相信狗狗自己都知道自己嘅身體變化，即係佢想行又行唔到，不停跌低等等，佢哋其實自己都可能會唔開心，所以如果其實呢個時侯唔可以分心諗生小朋友，因為依個時候先至更加需要全心全意嘅體力、精神同埋愛心去照顧佢哋。」
Lucy又坦言自己與老公有共識遲些才生小朋友，「好彩耀英都同我一樣有共識，佢知道我好愛狗狗，唔會逼我分心去生小朋友。佢仲好盡力幫我手照顧狗狗添，有時我返工唔得閒，佢都會主動帶狗狗去玩去散步；狗狗行唔到又會幫我手抱狗狗返屋企。好彩佢做開運動好夠力用手抱！而我唔夠力就會用背帶！有時佢會怕我背起狗狗辛苦叫我唔好背，等佢慢慢抱完一隻返屋企再落街抱埋另外一隻，完全唔介意行兩轉樓梯。所以其實耀英好有愛心，照顧兩隻狗狗而家當住照顧自己小朋友一樣。」兩人都視狗狗為自己的小朋友一樣，對佢哋無微不至，非常有愛心。
（圖片：李旻芳facebook）
相關新聞：《東張西望》女神李旻芳封盤喊住嫁 黃耀英：「愛惜呢個有鼻鼾嘅凡人」
撰文：林惠珊