我要做業主2｜李旻芳樓換樓原意給狗狗安樂窩 愛犬離世 守諾「帶」去新居

《東張西望》主持李旻芳（Lucy）同老公黃耀英原本育有一對金毛尋回犬（公公同婆婆），由於愛犬年事已高，行動有點不便，放狗時要兩公婆揹牠們行幾層唐樓。Lucy早前購入低密度屋苑的特色單位，計劃樓換樓給狗狗一個五星級的家，可惜他們進行裝修期間，公公婆婆先後離去，日前她在《我要做業主2》內重提此事時仍很傷感，哽咽話會「帶」狗狗搬入新屋，主持人胡諾言即安慰她說狗狗會感受到他們的意思。

{{hket:inline-image name="11011007.jpg"}}{{/hket:inline-image}}

{{hket:inline-image name="limanfong_81344638_1001997966824232_8561969533115164557_n.jpg"}}{{/hket:inline-image}}

同場加映：林正峰游嘉欣出身基層望回饋家人 「呢個時代好難搵到夢想同目標」

{{hket:ul-video id="4525"}}{{/hket:ul-video}}

Lucy同老公黃耀英是愛犬之人，育有一對年老邁兼行動不便的金毛尋回犬（公公同婆婆），跟二人同住西貢唐樓，兩公婆對牠們不離不棄，會輪流揹狗狗落街。他們之後決定樓換樓，計劃給狗狗一個更合適的居所，可惜公公婆婆等不及新屋完成裝修，不幸今年內先後離世，Lucy於6月在IG發長文悼念愛犬公公：「你是多麼的溫柔，多麼的可愛。你是一隻很善良的狗狗。被別的狗狗欺負都不懂反擊（人家體型細幾倍），被主人鬧永遠只會低頭思過，就算老了，身體弱了，變差了，也很努力的生存。後腳變無力了，鞋仔被拖爛了，也從不會放棄，只要有一絲絲力氣都會繼續走。可惜婆婆走了無耐，你也跟著生病了。可惡的癌症好可怕。我能做的都已經盡力做了。對不起…」

野外步出│李旻芳提起愛犬漸老激動落淚 不堪別離之痛 願比老公黃耀英先走【下一頁】

Lucy同黃耀英日前（30日）擔任《我要做業主2》嘉賓，Lucy坦言當初買入唐樓時，無預計到狗狗會老得咁快，黃耀英話：「習慣每日放佢哋兩次，以前就好叻，好快衝落去再衝返上嚟，但佢哋越來越老時冇乜力，就要開始抱佢落去、抱佢上嚟，真係好過做Gym…20幾kg行100級（樓梯），久而久次，我就講不如考慮唔使行樓梯嘅單位。」

【不離不棄】李旻芳揹行動不便巨型狗狗上樓  為照顧年邁愛犬延遲生育計劃【下一頁】

Lucy透露兩公婆計劃了有一段時間，家中放有一塊白板，上面會寫有樓宇賣買價值，若以某個價錢放售唐樓，他們就要借多少錢購買新屋。黃耀英在旁補充：「我哋買唐樓時好運，放出去又好彩，有人肯要，早放可能值錢，因為間屋啲嘢新…，有好多嘢要衡量，盡可能條數唔好計得咁盡，其實我哋真係咩都試過，凶宅都睇過，亦睇過地皮，起間村屋可能都係畀幾百萬…，銀主盤亦睇過，咩都睇過晒，其實大部分人嘅資源有限，任何細節都要睇清楚。」

（↓點擊放大睇圖片↓）

最後兩公婆成功購入一個低密度屋苑的特色單位，黃耀英說：「咁啱屋苑樓齡係3年，業主們可以放樓，供應多咗，自然價錢就會低少少。當初我哋諗住為咗兩隻狗仔，想有個花園…，好多嘢係為佢哋而設，但唔夠時間，狗狗就走咗先…。」Lucy一度哽咽表示：「設計緊嘅時候，狗狗好不幸咁就…，但我哋都會帶我哋嘅狗狗返去嘅…。」主持人胡諾言即安慰話：「你哋嘅原意都係希望可以同狗狗一齊，我相信佢哋會感受到。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】