吳浩康（Deep）與郭思琳（Margiela）在本月初宣布奉子成婚，Margiela在IG上載BB的超聲波相片，開心分享：「今年我要做人妻，也要準備做人母了！」今日（15日）是兩人註冊結婚的大日子，在小型婚禮上，Deep向太太道出愛的宣言：「多謝願意嫁畀我，願意同我一齊去經歷我哋嘅人生，願意同我一齊去遮風擋雨。我哋各自對大家嘅承諾，就留番畀我哋兩夫妻啦！多謝大家嘅祝福、多謝大家嘅關心。」Margiela則說：「佢同我結婚已經係一個承諾嚟㗎啦！所以佢唔駛講我已經收到晒。」
同場加映：ERROR嫌新歌點擊率未達標 笑斥MIRROR出歌出得太密
靚靚的新娘子Margiela，由於懷有身孕，所以穿上不太貼身的白色婚紗裙，依偎住Deep影合照，幸福的笑容羨煞旁人。Deep親吻太太的臉頰，還有一張兩人咀嘴的相片。他們笑指籌備婚禮時，由於運輸業受疫情所累，以致未能收到已訂購的裝飾品，最後要在山邊執拾樹枝裝飾婚禮現場，而稍後亦會補辦婚宴，邀請眾多親朋好友。
吳浩康入紙申請結婚娶郭思琳 去年否認關係 如今奉子成婚做爸爸【下一頁】
在簽紙註冊時，一對新人感動得喊了出來，Deep說：「冇諗過咁緊張，好感動！特別係我見到自己嘅爸爸喺度。」Margiela亦說：「見到老公喊，我都忍唔住，佢太眼淺喇！成日要我安撫佢。」Deep表示早在綵排時已忍不住喊了出來，笑指自己好易喊，「朝早起身去場地睇set up，企喺度諗一陣要講啲乜嘢？有邊個會嚟？要多謝邊一位？瞓唔到……兩日都五點幾、六點就醒咗，所以都幾攰同幾緊張。朝早自己演練嘅時候已經喊咗……」
吳浩康被爆新戀情原來係派帽？ 郭思琳有圈外男友又突然話單身【下一頁】
對於太太Margiela，Deep讚她是一個簡單又率直的人，而且十分孝心，「佢對父母好上心、好愛錫，對屋企人都好關心，好照顧，好欣賞呢種態度。」坦言給太太超過滿分。初為人夫人父，他表示要學習謙卑，無論在價值觀、對事情的看法、相處之道等等，都要重新學習，「重新調整自己，咁樣先能夠令呢段關係成長。」
婚後的第一課，Margiela坦言相處是大前提，笑說：「好多人話結咗婚係另一個境界，我都想快啲經歷吓……有幾恐怖。」談到太太佗B，Deep暫不公布BB性別，他說：「仔女都鍾意，我自己就好期待，而家我哋兩個嘅專注力，第一一定係小朋友。第一次做爸爸媽媽，有好多嘢都未知未識，好多情況都要兼顧。」還透露老闆楊受成送BB一封大利是，「收到老闆嘅祝福已經好開心，老闆真係睇住我成長，照顧咗我20年，都係我半個爸爸，得到自己咁尊敬嘅人嘅祝福，已經係好大嘅禮物。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】