Stephen．傾丨李樂詩去年患乳癌改變人生觀 感恩活著：人真係好化學

曾主唱無綫處境劇《真情》主題曲《無悔愛你一生》的李樂詩，去年8月患上乳癌，經過8小時切除乳房手術，現時正重建乳房。這次大病令她改變人生觀，對死亡有另一個睇法，她說：「要珍惜每一段時間。」

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="47417276_379919796148035_6953555429527478322_n.jpg"}}{{/hket:inline-image}}

李樂詩近日接受陳志雲網上節目《Stephen．傾》訪問，對於不幸患上乳癌，她坦言只能正面面對，寄語女性一定要每年進行身體檢查。她說：「每年我都會做身體檢查，就發現有乳癌，冇諗過我會有Cancer，我飲食都健康，又有做運動。知道之後好唔開心，唔知道有幾嚴重，唔知自己有幾耐命，因為我有3個仔，佢哋都好細（分別5歲、9歲、12歲）。我好擔心，我第一時間同老公（Ted）講，佢都好surprise。我都有同3個仔講，二子就諗起《黑豹》（Black Panther）主角Chadwick Boseman係死於癌症，我話自己做咗手術，所以冇事喇！」

家族遺傳│李樂詩不幸患乳癌切乳房保命 感激丈夫支持決定向三兒子坦白【下一頁】

幸好只屬初期，可以做手術解決，她說：「兩邊（乳房）都要割除，唔使做電療、化療，所以每年驗身係好重要。」陳志雲問她切除乳房後，會否覺得不開心？李樂詩說：「我個人比較正面，切除咗，係冇咗Cancer，問題係冇咗（乳房），咁咪去重建，而家仲處理緊。」

勇字當頭｜葉蒨文莫文蔚李樂詩齊齊曬素顏 王君馨零妝顯倦容黑眼圈出晒嚟【下一頁】

{{hket:inline-image name="22710215_152839145318478_7670029107744210944_n.jpg"}}{{/hket:inline-image}}

經歷這場大病，亦改變了她的人生觀，李樂詩說：「開心自己仲喺度，每樣嘢都要樂觀去睇，每個人都會死亡，要珍惜每一段時間，因為人真係好化學，我都有朋友無端端心臟病而唔喺度。而家小朋友要喺屋企開Zoom上學，以前我會好嬲、好激動，『做咩睇YouTube？你唔係讀緊書咩』，但而家唔好令自己唔開心。如果真係好緊張，用另一個方法去解決呢件事。」

諸朋好友｜杜德智認性格唔想結婚生小朋友 曾與李樂詩拍拖12年分手收場【下一頁】

{{hket:inline-image name="800_3c3e10dd6bae63d58835abcd81efe10f.jpg"}}{{/hket:inline-image}}

{{hket:inline-image name="12407658_1215993328430219_27992872_n.jpg"}}{{/hket:inline-image}}

出生於加拿大的李樂詩拍過數次拖，17歲初戀，對象是一位華人，數月後就分手。其後在香港發展歌唱事業時，遇上杜德偉哥哥杜德智，兩人拍拖12年，「當時大家都好夾，但諗到將來（組織家庭）都唔夾，大家傾過，我決定分手。」陳志雲問她在這段情有甚麼得著？她說：「開心，佢好鍾意音樂，所以我哋成日唱歌，會去古巴去學跳拉丁舞，佢真係對我好好，同佢分咗手之後，我都有拍拖，但其他人都唔及佢對我咁好，直至我遇到Ted，我哋拍拖3個月就向我求婚。」與Ted結婚13年，李樂詩坦言很幸運遇上對方，兩人相處之道最著重溝通，說時她面露一副幸福滿瀉的樣子。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】