Stephen．傾丨張惠雅重提與前老闆薛世恒緋聞 懷疑某前輩歌手「放料」洩密？

前女子組合HotCha成員張惠雅（Regen）的感情路，一直都不太順景，去年與細她8年的台灣男友分手，這次情傷令她暴瘦至84磅。最近，Regen接受陳志雲的YouTube節目《Stephen．傾》訪問，陳志雲指她很容易墮入情網，Regen透露拍過10次拖，但每次只能維持幾個月左右，儼如一個詛咒。

同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲

{{hket:ul-video id="4841"}}{{/hket:ul-video}}

{{hket:inline-image name="9.jpg"}}{{/hket:inline-image}}

陳志雲問道每段關係的失敗，是出於甚麼問題？Regen說：「我好快會交晒個心出去，然後對方覺得呢個女仔太黐身，都係嘅……好想男朋友話畀我聽佢做緊乜嘢、佢去咗邊，因為我對自己勁冇信心，成日覺得自己冇人要，同埋我脾氣又唔好，嗰種癲係……我試過面部爆血管，有少少精神潔癖！所以好想學習吓增強自信心，經過咁多段失敗嘅感情，我覺得女人要花更多心機喺自己度，去增值自己……佢有佢生活，我都要有我嘅生活。」

嚇親寶寶系列︳Regen出Po為暴斃論解畫 驚爆與舊隊友零聯絡最親竟然係…【下一頁】

在2011年，傳出Regen是第三者，介入陳法拉、薛世恒之間的婚姻，事件越鬧越大，兩公婆最後離婚收場，而Regen則離開香港，到澳洲working holiday，Regen說：「我仲有個謎團未解開，喺HotCha嗰段時期，公司好保護我哋，我哋好多嘢都唔知，唔會接觸人，12點前要返到屋企，再打畀公司報到。去到好後期先知道，如果要上（娛樂雜誌）封面，係要『夾新聞』，有新聞可能就有『放料者』……我望番自己以前啲新聞，當時好似畀人跟（蹤）……突然之間啲人會知我住喺邊？然後跟住我……其實係得我同薛生見面，話佢知我想離開一吓，當年係薛生簽我返嚟；而前一晚拍完劇收工，我同咗兩個藝人去傾嘢，我有講過（與薛生見面），我就諗會唔會係兩個藝人之中其中一個（是放料者）？因為後期我睇番報道，有一格（娛樂新聞）就係佢，我諗佢冇諗過後果會咁嚴重。」

HotCha開騷大方捧場 薛世恒重提Regen︰緋聞九級流【下一頁】

{{hket:inline-image name="244441108_4178371672261455_7633909740778577181_n.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

{{hket:inline-image name="800_e144d5fd8a8a6c8295d6d45f054eef3d.jpg"}}{{/hket:inline-image}}

陳志雲聽後，立即追問是哪位藝人，Regen不好意思說，陳志雲游說她：「我哋識唔識㗎？講嚟聽吓，你又冇話一定係佢。」她非常尷尬回應：「好似係姓海，完喇！」陳志雲說：「姓海？唱歌嗰個？海俊傑？」Regen十分緊張，拿起酒杯喝了一口，便轉話題：「我唔知呀！好熱呀！我出晒汗……吖！我第一次上嚟好開心！」陳志雲為她打圓場說：「唔緊要，海俊傑都咁大個人，同埋照你嘅陳述，包括新聞入面有海俊傑嘅相，我諗多數都係佢講，有時佢未必有心去講，人哋問起，佢話『係呀』，可能係咁。」Regen說：「可能係，佢唔小心被人套到……」

翻查資料，薛世恒曾對這段緋聞作出回應，他當時說：「咁多段緋聞入面，呢單比較流，係九級流！以前我係佢哋經理人，同藝人見面好合理，冇理由變成緋聞。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}