信和商場「3重升級賞」 S現金券逾100%回贈

公關姊妹同黛安報料，信和集團旗下嘅屯門市廣場、奧海城、荃新天地、中港城、黃金海岸商場、尖沙咀中心及帝國中心特別推出「齊心抗疫‧3重升級賞」，S⁺REWARDS會員即日起至4月20日，去購物有機會享受三重獎賞優惠，S現金券回贈超過100%！

S⁺REWARDS會員只要喺指定餐飲美食商戶單一消費滿$200，並成功登記點數，即可獲1張$50購物S現金券；每日傍晚6點後（或中港城全日期間）消費滿$300並作登記，更可獲$300嘅S現金券一套，包括1張$50購物S現金券、1張$50美食S現金券，同4張$50指定類別S現金券。

另外，會員只要傍晚6點後泊車，並於指定商場同商戶消費夠$300，即日成功上載同登記點數，更可即時享受上述2項優惠外，同時可獲贈額外1小時免費泊車優惠㗎。