近日氣溫急降，又濕又冷，熱辣辣滾起的煲仔菜式與焦香煲仔飯是暖身恩物。臘味煲仔飯夠經典，雞煲又惹味……各有各風味，你又最喜歡以下介紹的哪款煲仔菜式？
正宗滋味 食神叉燒
有「食神」之稱的戴龍師傅，與楊貫一、陳東及許沛東被譽為香港四大名廚。這間由戴師傅主理的餐廳，近來推出了兩款新口味煲仔飯，包括豉汁白鱔（堂食$125，外賣$135）和薑蔥田雞（堂食$125，外賣$135）。
其他供應的招牌煲仔飯口味當然也包括招牌「黯然銷魂」煲仔飯（堂食$85，外賣$95）和日本雞蛋窩蛋免治牛飯（堂食$85，外賣$95）等。如想吃到更多配料，可以$8至$15不等額外添加冬菇、日本雞蛋、膶腸、臘腸等。
店家特別選用來自黑龍江省武昌市的大米，由於當地冬季較長，一年只能收成一次，故此大米粒粒分明、清甜幽香。
雞蛋方面都有考量，戴師傅特別挑選本地產的「初生蛋」或「聰明蛋」，由年幼的母雞生產，比普通雞蛋更小，蛋白質和營養價值更高，所以蛋黃豐郁，蛋白清徹，用來煮煲仔飯就最適合。
至於醬汁則由天然醬油製成，不使用味精或人工添加劑，而且經發酵兩年，吃的時候有濃郁芳香的大豆風味。天氣凍時，食到熱辣辣的經典煲仔美食，定會感到暖笠笠。
脆香飯焦 點 煲
天氣凍時，煲仔飯專門店就是我們的救星。這店出品均用備長炭火來燒焗，火力平穩且強，能鎖住食物原味，而且飯粒均勻受熱，就能造出金黃薄脆的飯焦。另外，使用備長炭炮製煲仔飯的好處是上枱後不用再焗就可吃，最適合趕時間的打工仔。
店家供應的口味包括經典的臘味煲仔飯--油鴨脾鴛鴦腸煲仔飯（$98），吸收了油鴨脾甘香油份的飯粒呈金黃色，加上鴛鴦腸軟硬的口感，滋味十足。梅菜扣肉煲仔飯（$83）是另一邪惡之選，味道濃郁，梅菜鹹香帶少許甜味，扣肉軟腍。
如果是外賣，店家亦貼心地連煲上，只要將外賣煲連蓋洗淨，連同保溫袋交還，就可以取回$40按金，確保吃到煲仔飯原味，同時亦夠環保。
粵菜風味 帝苑軒
這間帝苑酒店的粵菜廳，以宮廷湖畔花園為設計概念，在這裏吃煲仔菜別有一番風情。餐廳最近推出煲仔菜式，包括矜貴又補身的花膠筒冬菇炆雞球（$428）和自家製子薑梅子鵝（$298）等，食材選擇特別花工夫，可見誠意。
惹味雞煲 點一龍
位於荃灣的這間點心餐廳，亦推出多款暖胃煲仔菜和煲仔飯。枝竹羊腩煲是常見菜式，但未必人人都喜歡吃羊，餐廳就改為枝竹牛腩煲（$88），牛肉軟腍，柱侯醬令香味更濃郁。
金不換三杯雞煲（$88）用麻油、豉油及米酒將嫩滑雞件爆炒，相當惹味。店家另有鮑魚瑤柱蝦乾肉餅煲仔飯（$118），肉嫩多汁的肉餅，配上矜貴八頭鮑魚，賣相吸引，打完卡再食，全身暖笠笠。
撰文及攝影︰Kiki（部分相片由餐廳提供）