MegaBox「綠色生活好習慣」 實踐低碳生活

為咗令市民從日常生活習慣中實踐綠色生活，黛安知道，MegaBox由即日起至明年3月13日，舉辦「綠色生活好習慣」活動，例如商場內設置「紙包飲品盒智能回收機」，只要將清洗乾淨嘅紙包飲品盒放入智能回收機，每個回收都可以獲得$0.1八達通回贈（每人每日最多回收20個），藉此培養大家嘅回收習慣。

另外，MegaBox仲會推出連串環保減碳活動，例如請經驗豐富嘅專業書法家符敏儀老師，教大家唔同嘅書法技巧，參加者仲可用環保再生紙即席揮毫，設計獨有嘅環保揮春帶返屋企。場內消費滿指定金額，仲可獲符老師用再造紙幫大家寫出喜愛嘅祝賀詞，以再造紙揮春迎虎年！想了解更多活動詳情可瀏覽︰www.megabox.com.hk。