Ronny@Mr.黎澤恩疫情馬死落地行轉型求生 「台上受擁戴 台下都要搵食」

Mr.樂隊結他手黎澤恩（Ronny）近來由音樂人轉戰電視台，擁有英國血統，外表有型靚仔，在不少劇集客串演出非常搶眼。Ronny坦言疫情期間零表演零收入，體會到真正的危機感，為了擺脫徬徨無助，積極轉型嘗試演戲，並考獲各行業牌照，「馬死落地行，唔可以再坐喺度等運到。」

{{hket:ul-video id="4228"}}{{/hket:ul-video}}

Ronny近來頻頻在電視劇中露面，雖然是電視界的新人，但其實Ronny所屬的樂隊Mr.已經出道14年之久。由樂隊結他手搖身一變成為演員，契機源自疫情，「十幾歲開始玩樂隊到而家四十幾歲，我都未試過咁耐冇演出，對我嚟講好大轉變。我唔可以再坐喺度等運到……我考健身教練牌、地產牌、保險牌、伸展教練牌等等，呢啲未必學完即時可以大派用場，有啲牌照喺手，我會無咁驚。」

星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本【下一頁】

{{hket:inline-image name="DSC08966.jpg"}}{{/hket:inline-image}}

{{hket:inline-image name="DSC08975.jpg"}}{{/hket:inline-image}}

在Mr.樂隊期間，橫掃樂壇頒獎禮的獎項，又踏上紅館開演唱會，期間Ronny不時參與電影、劇集的演出，仍有需要適應的地方，「心態上會強迫自己去接受、去改變，舞台上係點都好，落台之後係兩回事。台上可能好光輝、好多人擁戴，但台下都係要搵食。馬死落地行，玩創作同玩音樂，如果你本身思想好離地，你會做得唔好。一直保留好大距離感，就寫唔到歌，演唔到戲。你同人講唔識用八達通？點可能生活？你要去感受過生活，藝術先可以表達出嚟！」的確，生活逼人也不能不貼地，起初做演員時，Ronny直言連去旁邊拎樽水飲都唔敢，「人哋唔知你係邊個，雖然一直喺演藝圈，但真係冇人識你呀嘛！你行入片場同人講你開過紅館演唱會？冇人會理你，惟有再努力啲！」

布志綸指某人新作與《森林》相似 網民矛頭直指吳業坤:入鼓位都似【下一頁】

Ronny承認樂隊有一段日子被罵，難免會有失望，但他反而最自責是不懂得未雨綢繆，「2008年至2016年呢八年期間，樂隊都係留喺舒適圈，其他成員開始發展自己嘅事業，但我係零，呢樣係最責怪自己。」兩年來的疫情，令Ronny收入完全歸零，住處的租金和家用是必然支出，加上他要學習、考牌，儲蓄花得七七八八，眼見同行轉行賣麵包或者做學徒，難免感受到經濟危機。「最可怕係成個行業唔知幾時會復甦，我衝破自己界限考定晒啲牌，大不了就轉行！呢兩年畀好大教訓大家，你唔知成功定失敗，但第一件事你要先努力，唔好理個天點對你，做好自己部分，把握每一個機會。」

{{hket:inline-image name="DSC08958.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

 

場地：Fandm Fitness Music
攝影：黃紫維、黃敬博
責任編輯：楊安莉