食用安全｜北角茶餐廳外賣沙嗲牛麵插住飛毛腿 食客投訴有曱甴腳反被斥「口同鼻拗」

都市人繁忙趕時間，不少人都會買外賣「醫肚」；但如進食期間發現食物混有昆蟲，亦未必能第一時間到食店理論，往往只能選擇忍氣吞聲。一名網民今日（17日）發帖訴苦，指自己上班前到北角一間茶餐廳買沙嗲牛肉麵當早餐，未料回到公司開餐時，卻發現麵中插住曱甴腳。事後她向店員投訴不果，更被對方態度惡劣地反斥「口同鼻拗」。身為受害人的事主感到不滿，遂於網上發帖警世。

同場加映：

晴報健康‧揀水果｜3款日本出產提子多汁皮薄 專家教揀優質黑提子+青提子8招｜營養師建議

{{hket:ul-video id="4122"}}{{/hket:ul-video}}

該名網民今日在Facebook群組「中伏飲食報料區」圖文並茂發帖，指自己昨日（16日）早上預計當天工作忙碌，於是特意在上班前到北角一間茶餐廳買沙嗲牛肉麵當早餐，

「返到公司食食吓見到碗麵插住曱甴腳！成個餐立即扔咗唔敢食。」

 （↓點擊圖片放大↓）

事主放工後前往涉事茶餐廳投訴，惟當時已經關門，因此只好今早再去反映問題。未料，事主並沒得到店方一句道歉說話，對方只欲以「賠番碗麵」了事。事主拒絕，坦言：

「個收銀女店員唔好意思都冇講句……試問邊個仲敢食你碗麵！」

隨後事主要求索回麵錢，惟女店員態度立即變得惡劣，「話我噚日唔即刻同佢哋講，而家係口同鼻拗，唔會賠！」對此，事主感到十分無奈：

「首先噚日真係唔得閒即刻追討，二嚟邊個會專登搵隻曱甴腳嚟呃你嗰40蚊？最重要係明明係你問題，態度仲咁惡劣！」

事主指沒退錢也沒所謂：一句唔好意思都冇

事主接受《晴報》訪問時表示，自己本來「好日都唔食一次早餐」，未料竟然發生食安事件，「食食吓見到曱甴腳嗰吓真係反晒胃。」她直言事件令她留下陰影，以後都不想再吃沙嗲牛肉麵。對於店員處理投訴的態度，事主表示其實沒有退錢也沒所謂，一句道歉已經足夠，

「其實最嬲係個店員態度，一句唔好意思都冇。」

網民驚嚇：最怕係其實唔止一隻腳

此事引來網民熱議，不少人認為事件嘔心，有人更指「最怕係其實唔止一隻腳，而係已經食咗」。同時，亦有網民建議事主下次如不幸遇上同類事件，因為食店未必會認錯退錢，因此切勿拋棄「證據」，應直接送到食環署投訴：

 （↓點擊圖片放大↓）

食環署設24小時熱線投訴

據政府網站資料顯示，食物環境衞生署（食環署）負責監管市面出售食物，以確保食物安全、衛生、並適宜供人食用。如市民用膳時發現食物不潔、有異物、或不宜食用，可致電食環署24小時熱線 2868 0000 作出投訴，投訴會交由食環署當值的衞生督察處理，聯絡投訴人後會告知應如何處理證物，並作出跟進調查。如證實食肆觸犯衛生法例，將會遭受檢控，甚至被吊銷牌照。

食用安全｜灣仔車仔麵浮死烏繩如「有翼豆豉」 食客投訴遭店員反諷：唔鍾意咪掉走佢囉，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

責任編輯：李凱晴