7萬粒樂高®砌出九龍灣面貌 生活場景現眼前

黛安之前推介過，樂高®同港鐵旗下6大商場合辦嘅「LET'S EXPLORE LEGO CITY樂遊城市AT MTR MALLS」活動，繼早前介紹嘅3個商場，另外3個商場The LOHAS康城、杏花新城及綠楊坊嘅活動亦已出爐，佢哋分別會打造「樂高®單車遊」、「樂高®夏日運動樂」及「樂高®美食滋味遊」3大全新趣味場景，每個主題區都充滿趣味！

今次主題由大中華區首位樂高®專業認證大師洪子健（Andy Hung），夥拍香港樂高®拼砌達人組織Legend Bricks操刀創作，超過10人創作團隊，利用54萬粒樂高®顆粒拼砌成8大展品。其中九龍灣德福廣場會展出由洪子健主理嘅「樂高®顆粒版九龍灣」，用7萬粒樂高®顆粒砌成，將鐵路、商場及住宅融為一體，可睇到東九龍最為人熟悉嘅一面。

話說連接德福廣場嘅長走廊，記錄咗好多九龍灣居民同港人嘅愉快時刻，今次作品除咗以樂高®顆粒將特色建築活現眼前，亦貼地咁加入唔少日常生活場景，相信大家一定可以大飽眼福。