一田「夏麵祭」 買齊日韓台新麵食

黛安放假好鍾意行超市，見到一田超市即日起至本月16日舉行「一田夏麵祭」，獨家發售多款日韓台新麵食、人氣低卡蒟蒻麵及健康系麵條，同場更會加推Upgrade即食餸包、日式丼飯等。

活動期間多款產品都有獨家優惠，包括上市一年幾已突破20萬包銷量嘅香菜先生拌麵、香港製造嘅大囍慶芫茜魚湯麵，及減肥恩物Nakaki蒟蒻麵等。YATA-Fans會員或憑一田信用卡、WeChat Pay HK喺全綫一田買指定麵食產品，更可享額外95折優惠。另外，喺全綫一田即日同一店舖累積電子消費每滿$2,000，即可憑機印發票及簽帳存根換領$1,000優惠券乙套，先到先得，換完即止。