將軍澳廣場「荔園時光之旅」 重拾半世紀前歡樂回憶

荔園遊樂場係好多人嘅集體回憶，黛安收到風，南豐集團旗下嘅將軍澳廣場即日起至下個月10日，會帶大家穿梭時光隧道返去1949年嘅荔園，展出超過半世紀歷史嘅荔園「旋轉木馬」真品，仲有近百件荔園收藏品，千祈唔可以錯過呀！

今次嘅「荔園時光之旅」分3個主題專區，包括「好時光收集區」、「荔園奇趣世界」和「經典重現區」，除咗展出多件珍貴荔園收藏品，包括絕版荔園閃卡、入場門票等，仲有由本地著名微型藝術單位TOMA Miniatures，精心製作嘅荔園微縮模型，以1︰64比例重塑70至80年代全盛時期嘅荔園面貌，好似荔園城堡、百麗殿舞台、動物園、宋城及恐龍屋等，非常有紀念性。

去到荔園一定要玩攤位遊戲，公關姊妹話，商場特設「歡笑樂園掟階磚」和「開心滿FUN滾球樂」，等大家可以重拾童年回憶，更有機會贏取獎品和NF Shopping電子優惠券㖭，頭獎係$50電子優惠券。想知道更多資訊，可留意TKO Plaza將軍澳廣場fb專頁。