我老婆嫁左比Mirror導致婚姻破裂關注組︱鏡粉前夫唔戴頭盔《晚吹》吐苦水 老婆追Anson Lo回春老公覺得恐怖

男團MIRROR人氣爆燈，除了獲年輕女生追捧外，不少人妻、人母都被他們俘虜，成為粉絲！不過老婆追星，卻令一眾正印老公「苦不堪言」。有「苦主」 今個月頭在Facebook中建立「我老婆嫁左（咗）比（畀）MIRROR導致婚姻破裂關注組」，與其他「鏡粉前夫」一同圍爐取暖，至今群組人數已有29.7萬人！

{{hket:inline-image name="b1e5accbe71e09ba78e5d408795ed54.jpg"}}{{/hket:inline-image}}

而昨晚（16日）播出的《晚吹-又要威又要頭盔》，就邀請到關注組的其中五位成員，當中包括已與老婆結婚6年多的RC、與女友拍拖1年的「6 lan」、與老婆結婚4年的Tony及John生、和與老婆結婚2年的Ringo。

{{hket:inline-image name="mirrorr.png"}}{{/hket:inline-image}}

主持林二汶及余迪偉形容5位成員為「前夫」，問到關注組發起人RC為何會有開群組的念頭，他憶述有一次同老婆去餐廳食飯，身為姜濤粉絲的老婆一路跟他說關於粉絲群組的花邊消息，「佢由行去餐廳講到坐低都未停，我就覺得唔對路，白眼都就嚟反到後面。」他又指老婆有一班好姊妹都是「鏡粉」，就覺得眾人的丈夫及男朋友都可能有同樣處境，所以希望畀大家一齊圍爐取暖。「一分鐘就開咗呢個Group，上網求其搵咗張MIRROR嘅相，點知有網友鬧我，話點解張相像素咁低。」

{{hket:inline-image name="mirrorr5.png"}}{{/hket:inline-image}}

與老婆結婚2年的Ringo，老婆是李駿傑（Jeremy）的忠粉，他在節目上「投訴」老婆曾日聽夜聽Jeremy的歌《夢言》；更一連18小時，用5部電話跟iPad狂播歌刷點擊率。「屋企有啲大鼻、鋼牙嘅公仔，我自己都有砌高達模型，佢搬埋佢哋出嚟一齊聽，迫佢哋一齊聽。」

而老婆同為Jeremy粉絲的John生亦大呻因Jeremy緣故，令本來好慳家的老婆大手購入偶像代言的產品。「佢有好多代言，（Jeremy）曾經代言一款好貴嘅雪糕。我老婆本身好慳家，即使我問佢可唔可以買雪條，佢都唔會買，會話：『你個死肥仔，你睇吓李生又瘦又高，你可唔可以瘦返少少，有佢1%就夠。』嗰晚我打開雪櫃，見到全部都係雪條，老婆話：『BB，Jeremy代言咗呢款雪條，好好食㗎，你食晒佢啦！』」

（↓點擊放大睇圖片↓）

另一位「前夫」Tony老婆是Anson Lo粉絲，他直言曾在staycation時，為了老婆將婚照上的自己P圖改成Anson Lo，「好多人入嚟呻，話我做爛市！又有人鬧，問我啲夫綱去咗邊；不過最終都係投其所好，想佢開心。」

{{hket:inline-image name="mirrorr13.png"}}{{/hket:inline-image}}

至於女友是姜濤及Ian粉絲的「6 lan」指自己曾因同MIRROR影相「出事」，「之前有幸去睇MIRROR演唱會，同埋佢哋一齊影相；點知出到嚟佢先醒起，『點解張相有埋你，應該我一個人同佢哋12個人影，你負責揸機，幫我睇吓頭髮有無亂，靚唔靚女咪夠囉！』」不過重點在後頭，其女友發現她心愛的姜濤及Ian站在男友附近，之後對男友直言：「你好似有啲督眼督鼻！」及後更與男友的家姐一同P走男友身影！

（↓點擊放大睇圖片↓）

26歲生日｜Anson Lo多謝司棋姐打卡畀鼓勵 孖花姐出巡影尖沙咀生日廣告牌 【下一頁】

之後3位「前夫」除下頭盔，其中版主表示老婆在鍾意姜濤之後，會半夜三更跳舞，「之前佢偷偷地鍾意姜濤，會靜靜雞買姜濤的應援物放入衣櫃，我喺錄影前一晚先發現。」Tony指老婆追星後成個人少女咗，「有回春感覺，（鍾唔鍾意咁嘅老婆？）覺得有少少恐怖，因為佢對我嘅語氣都有少少Man，但佢對Anson Lo嘅語氣係嗲聲嗲氣。」

{{hket:inline-image name="mirrorr22.png"}}{{/hket:inline-image}}

去到節目尾聲，幾位「前夫」表示MIRROR不會令婚姻破裂，「最緊要尊重另一半喜好，頂唔順就坦白講」、「可以與MIRROR共存，知多啲都無壞。」最後版主更「忠告」各位谷友，「珍惜生命，無時無刻警惕自己如何求生，呢一個係我哋男人每一秒都要做到嘅嘢。」

（↓點擊放大睇圖片↓）

我老婆嫁左比Mirror ……｜正印老公們畀鏡仔搞到婚姻破裂 開谷圍爐老婆湧入會員一夜激增 【下一頁】

同場加映：聲夢傳奇｜「火雞」孫漢霖為追夢無悔辭職參賽 曾遭家人反對：佢哋話唱歌好唔實際

{{hket:ul-video id="3574"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】