真·姜B︱姜濤榮升爸爸四度傷害人哋老公 被兩歲半姜糖唱《蒙著嘴》俘虜

人氣組合MIRROR迷到好多雌性嘅老中青，唔少仲係人妻同人母，日前有位老公喺社交平台開咗個「我老婆嫁左比Mirror導致婚姻破裂關注組」群組，畀老公們盡訴心中情。

{{hket:inline-image name="1422db25afa6b98600c62377778500a9.jpg"}}{{/hket:inline-image}}

MIRROR最先爆紅嘅一哥姜濤魅力沒法擋，就連2歲半小妹妹都係「姜糖」，姜濤日前開到口話要做呢個妹妹嘅爸爸，令「苦主」爸爸「二度受傷」。呢位可愛嘅妹妹叫Brittany Tsang，佢嘅媽媽上載女兒唱姜濤歌曲《蒙著嘴說愛你》嘅片段，並留言：「我個女可能係全香港最細粒嘅姜糖。」Brittany喺片中唱歌咬字非常清晰，當媽媽問到佢鍾意爸爸定係鍾意姜濤，Brittany毫不猶豫咁答「姜濤」，相信爸爸彷彿畀人喺個心度插咗一刀！而姜濤都有留意到，仲親自於社交平台轉發片段大讚可愛，留言：「來做我女兒吧！」

唔少網民都話姜濤此舉已經二度傷害爸爸，留言：「搶咗老婆仲搶埋個女，真係崩潰」、「仲挑機，佢老竇真係會殺咗你」、「嘩，你公然挑戰人哋老公喎」。小妹妹媽媽立即有回應，post出囡囡講「姜濤姜濤我願意」嘅短片，表情多多真係超級可愛！媽媽仲搞笑咁話囡囡係Brittany Keung，相信除咗妹妹開心之外，都係姜糖嘅媽媽一定更加興奮成為「哎吔」姜太。

姜濤再上載小妹妹嘅片段，同大家宣布自己做老竇，留言：「答應了……她說她願意」，唔少網民都話好想睇到佢「兩父女」合作拍廣告，到時姜濤真係第四度傷害爸爸。都有好多人擔心Brittany親生爸爸嘅心理狀況，留言：「咁搞法，人地真係婚姻破裂喎」、「真爸爸還好嘛？」、「希望佢爸爸唔會做傻事」等。

圖片來源：Instagram

 同場加映： 一笑渡凡間│陳秀珠單親媽媽獨力湊大兒子成才 「單身好處係學識不去依賴別人」

{{hket:ul-video id="3453"}}{{/hket:ul-video}}