MegaBox 辦Disney Summer Party 6大場景打卡一流

好多人鍾意收藏迪士尼公仔，黛安知道，MegaBox即日起至9月5日，會同迪士尼聯手舉辦「Disney Summer Home Party」，大家可以同多位迪士尼朋友及Marvel超級英雄見面，現場仲有遊戲玩，有機會贏取商戶嘅優惠券。

今次派對焦點之一係L5同L9嘅6個巨型場景主題裝置，包括「米奇型格客廳」、「米妮時尚飯廳」、「Marvel英雄工作室」、「Disney童趣遊樂園」、「唐老鴨繽紛廚房」及「小熊維尼甜蜜蜜睡房」，去打卡一流呀。影完靚相再上載至MegaBox fb指定帖文，照片獲得最多Like及最有創意嘅10位參加者，更有機會獲贈小熊維尼環保袋㖭。