納米無明火│90後情侶月入5萬住100呎劏房 谷德昭：唔係被逼而係一個選擇

ViuTV節目《納米無明火》昨晚播出第三集，主持人谷德昭早已揚言今次走訪的單位是十集當中最細的一個，正是位於九龍城的100呎劏房。租住的一對情侶Gianne同Calvin均是90後的年輕人，他們曾經月入共4至5萬，但堅持租住細單位，全因想慳錢好好儲蓄和專注在生意上面。

納米無明火│情侶幾秒扑槌446萬買250呎納米樓 谷德昭感慨：香港真係好黐線【下一頁】

{{hket:inline-image name="ko6.jpg"}}{{/hket:inline-image}}

{{hket:inline-image name="ko7.jpg"}}{{/hket:inline-image}}

{{hket:inline-image name="ko3.jpg"}}{{/hket:inline-image}}

單位實用面積只有100呎大，不過他們表示裝修都花上過萬元，最特別的是張雙人床是靠三個格子櫃承托，形成一個「凹」字型的位置，加強單位的儲物空間。谷德昭連訪問都要在床上做，他笑言：「真係唔好意思，第一次嚟就上埋張床咁。」單位內有一張書枱方便工作，但空間就未能容許兩人同時工作；至於廁所都只是用布簾遮住，無乾濕位之分，連洗碗都要在廁所完成。

Calvin認為單身住的話還好，因為自己要求不大，不過如果情侶住的話，就略嫌活動空間不足。谷德昭問到以他們的收入，理論上可以租住較好的住處，Gianne說：「我哋覺得有幾多錢就儲幾多，買樓就遲啲。」Calvin稱努力儲錢是為了創業，成立自己的健康食品品牌。

納米無明火│谷德昭到訪YouTuber 300呎單位 豪裝三角浴缸 爐頭竟放手推車【下一頁】

Calvin和Gianne在網上認識，去年9月開始同居，谷德昭搞笑向兩人催婚，又追問：「年輕男女血氣方剛，點樣杜絕啲聲音唔畀人聽到呢？」不過Calvin和Gianne都尷尬笑笑口拒答，認真搞笑。谷德昭為兩人即場炮製日式蒸蛋，總算成功；後來兩人帶谷德昭到Gianne爸爸的潮州菜館食飯聊天。

谷德昭在IG分享今次訪問的感受，他說：「100呎係十集裡面最細嘅單位，偏偏Gianne & Calvin住得鬼咁開心 ，打從心底嘅笑容呃唔到人，那份雙打式此起彼落你顧我我顧你嘅交叉走位默契賞心悅目。得100呎，冇默契的話，一日開廿次片都嫌少。100呎唔單止冇困住佢哋，反而令佢哋更聚焦地向目標邁進，100呎只係暫時，搭多幾個站就係寬敞嘅未來……#100呎裝載著濃縮的愛 #可能因為100呎唔係被迫而係一個選擇所以好快樂 #真係好real #兩個都好real #三個都好real至真老竇都好real#日式燉蛋全靠嗰樽唔知鰹魚定木魚水」

同場加映：麥大力分享與簡淑兒戀情 放閃程度力壓陳展鵬單文柔

{{hket:ul-video id="3502"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉