沉冤得雪│方力申被重提04年奧運葉璇互寸 獲谷德昭解謎：「你唔早講？」

郭偉亮（Eric Kwok）、劉浩龍及谷德昭開設的YouTube Channel不時邀請圈中的嘉賓參與Poker遊戲，一邊玩一邊傾偈。最正是嘉賓正緊張自己的牌面時，又要應付各種問題，經常不自覺地爆料。最新一集他們邀請方力申和楊愛瑾（Miki）擔任嘉賓，男方直言自己由運動員到入娛樂圈，轉營演藝事業，特別要多謝谷德昭，事關當年他代表香港參與2000年悉尼奧運時，谷德昭曾經讚他，方力申說：「游奧運嗰陣仲未入行，都有人關注我，但嗰次佢喺電視機上讚我『幾標緻』、『應該入行』，之後返香港就有人搵我拍戲！」

方力申2項游泳紀錄先後被破 嘲飛魚變游水仔 新目標係...【下一頁】

{{hket:inline-image name="fong6.jpg"}}{{/hket:inline-image}}

{{hket:inline-image name="fong2.jpg"}}{{/hket:inline-image}}

方力申第一齣接拍的電影《2002》，正是由谷德昭編劇，在這奇幻片裡扮演水鬼，有游水等動作場面，方力申說：「當年佢話全香港扮水鬼撲蝶都應該得我先做到！」谷德昭主動提到2004年無綫直播雅典奧運一幕，當時遠在當地主持節目的方力申與葉璇互相頂撞，男方在鏡頭前手指指對著她說：「跟住你寸我吖嘛」，全部照直播出街；為免尷尬，在香港直播室的主持們都刻意說話大大聲，希望蓋過兩人爭執的聲浪，平息風波。其時方力申一臉尷尬低下頭，而葉璇和身旁的韓毓霞則笑笑口繼續主持。

谷德昭終於解釋「真相」：「其實當時我哋喺耳機度緊（橋），（呢次互窒對話）要點交波？點樣接？你寸佢一句，我又寸你一句，點知呢段出咗街……同阿叔食煙、足金x猴一樣！我知，我喺廠度有份度（橋）吖嘛！」方力申即時醒晒神：「『導演』你而家先至講？呢廿年冇人信我，當時仲要唔知係咪叻哥（陳百祥）話『一人少句一人少句』，大家都以為係真！嗰陣我入行三、四年真係未識兜，我個樣唔係因為呢句說話尷尬，係未ready而播咗出街所以尷尬！」

（點擊圖片放大）

師父有請｜方力申被同齡女「睇唔起」宜娶少妻 鄧麗欣超撇脫從未過問海量緋聞【下一頁】

方力申笑言終於真相大白，谷德昭稱：「當年我唔知咁大件事，以為係一件幾有趣嘅事就算嘞，冇去解釋！唔怕啦，有心唔怕遲吖！」

責任編輯：楊安莉