保誠接種大抽獎 頭獎享10年醫保

保誠之前宣布推出「新冠疫苗接種大抽獎」，黛安收到風，噚日公布咗詳情，頭獎有10個名額，得獎者可獲得保誠自願醫保尚賓計劃10年免費保障，非常吸引！

聽公關姊妹講，9月15日或之前年滿18歲嘅香港市民，只要係同期接種至少1劑疫苗，就可以喺Pulse by Prudential手機應用程式登記。保誠會於9月27日以電腦隨機抽獎，結果喺10月6日官網公布，得獎者會收到電郵或短訊通知。

除咗頭獎外，二獎都有10個名額，獎品係保誠精選「旅遊樂」旅遊保障計劃10年免費保障（個人全年計劃）。想知道更多，可以去保誠網頁瀏覽抽獎詳情。