揀生果｜荃灣街坊斥街市生果檔古惑 爛布冧倒轉藏最底回家始知中伏

購物切記當面驗清楚。有荃灣街坊日前在區內街市生果檔購買一份水果，回家後始發現其中一個已腐爛，質疑店方故意將爛生果疊最底，並不允許客人揀選，批評做生意手法不當。有其他街坊則指曾遇到同類情況，有店舖會故意以價錢紙牌、生果包裝紙等遮蔽破損位置。

該名街坊昨日（11日）在Facebook群組「荃灣 大窩口邨 葵涌邨」發帖分享中伏經歷，指日前光顧區內街市一間生果檔，期間店員不斷游說指其出售的水果「好靚、好甜、好多人買」，事主便付款購入一份「恐龍蛋」布冧；然而回家後卻發現其中一個布冧已經爛掉，底部果皮破裂，果肉變軟明顯腐爛，指已無法進食。

質疑故意出售爛水果

他在帖文中表示，該生果檔習慣以層疊式擺放水果，認為對方故意將水果「靚嘅放面；爛嘅倒轉放底」，令顧客難以察覺；而店員更會將水果快速入袋，儘量不留時間給客人逐一檢查。事主慨嘆：

「如你話好，試吓啦，就立即幫你放入膠袋，你唔會有時間睇吓生果品質！返到屋企一攞出嚟，你就知後果！」

從照片所見，涉事水果檔均以層疊式擺放水蜜桃、「恐龍蛋」及柑，底層有3至4個生果，頂部再放一個。其中「恐龍蛋」每份5個售20元，價錢牌上更寫有「免揀」、「超甜」字眼。

（↓點擊圖片放大↓）

他續指，翌日曾返回涉事生果檔投訴，「我一開口話買咗份生果有個爛㗎」，並附上圖片作證明。店員看相片後問道：「有幾多個爛？」隨即替事主更換另一個作補償。事主以個人經歷提醒其他街坊：

「以後喺街市買任何嘢……都要check（檢查）清楚！」

街坊買蜜瓜中伏

帖文引起其他街坊熱議，有人表示早前曾在大窩口街市光顧生果檔，誤購買已腐爛的蜜瓜，質疑對方出「古惑招」：

「我3月都喺大窩口街市買過一次，（生果檔）特登用呢啲卡紙遮住爛晒嘅位，自此話咗唔會再係（喺）入面買生果。唔好話人屈你啦，你哋自己咁做生意，遲吓冇人買都係你哋自己攞嚟，嬲到我。」

（↓點擊圖片放大↓）

另有，多名街坊均批評區內一間生果檔的經營手法相當有問題，指店方已非首次出售有問題水果，「返到去睇到根本食唔到，專登去換仲要俾人鬧」、「試過逐個逐個拎嚟睇，反而俾個老闆娘鬧……上次就係我冇睇到，買5個有2個都係爛嘅」。有人則提醒事主，在街市購買水果後，應當面檢查清楚才離開。

（↓點擊圖片放大↓）

一個榴槤僅5粒迷你果肉 港女慘中伏【專家教3招揀靚榴槤】，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】