海港城消費回贈100%優惠劵 MegaBox購物儲分換美食

最近唔少商場推出購物優惠，黛安知道海港城正舉辦「100% Rewarding」活動，即日起至下周三（12日），消費滿$1,000即可換領總值$1,000優惠券！當中包括8張指定$100購物現金券，同2張指定$50／$100美食現金券，每人最多可獲得$5,000優惠券。

如果喺母親節（9日）及下周二（11日）消費，更有3倍獎賞，最多可賺$2萬優惠券，優惠券適用於場內350幾間商店，包括美容、服飾、首飾店同特色食府。此外，顧客即日起至下月20日，逢周日至周四6點後，喺場內餐飲消費滿$500，亦可獲贈高達$200優惠券，真係好抵呀。

此外，MegaBox最近亦推出咗「eDish瘋狂賞」美饌電子券功能，Mega Club會員喺下月底前消費滿$100就可換領1分，儲夠分就可經App免費換領多間食肆嘅美食，例如百樂門宴門廳嘅晚市點心放題、鳳城1954 嘅金皮炸子雞等，黛安已經約咗好姊妹去掃貨兼擦餐勁喇！