銅鑼灣高質食店 新派粵川菜 + 創意點心

限聚令下難得可以4人同枱，吃一頓久遺了的高質粵菜吧！最近發現一家銅鑼灣高級食廈樓上的「顏府御膳」，老闆顏先生識飲識食有要求，愛吃粵菜和川菜，於是找來富經驗大廚，炮製新派粵川小菜，以及多款別具特色的點心。

新店找來入廚30年、曾效力「逸東軒」，又跟過四川師傅烹調川菜的李師傅擔任大廚，點心師傅也出身高級粵菜館「大公館」及「富聲」，拍住上用新鮮靚料做新派粵、川菜和點心。

師傅每朝6時回舖搓皮做點心。奪目的橙色澄麵皮蝦餃，用了紅波椒汁提取天然顏色來搓皮，又以清新嫩爽的露筍代替重筍味的竹筍，撈白蝦鮮甜得多。嗜辣川菜控要試試脆皮麻辣燒賣，豬肉餡調了青花椒和花椒油，炸漿混了辣椒粉，入口爆發出刺激的麻香辣勁。另一出色之作是脆皮焗叉燒包，酥皮包自家搓製，入口鬆化，相對叉燒餡比例多，好Juicy蜜甜。

必試慢煮牛肋排

招牌菜推介鮮沙薑陳皮生煎雞，用鐵板奉上時熱辣辣發出「滋滋」聲響，隔着口罩也嗅到陳皮香與新鮮沙薑香。雞肉入口便知是新鮮雞，肉味鮮活具彈性，底下更起了層焦香。

另一招牌慢煮牛肋排，用密封方式蒸3至4小時鎖住肉汁，再拌以混入香葉、小茴、乾蔥、黑白胡椒等香料的牛肉汁，靜待10小時慢慢入味，吃時滿滿香濃肉汁。值得一提，自家炒製的XO醬可買走，用日本宗谷瑤柱、雲南宣威火腿、大粒靚蝦米、蝦籽烹調近一小時，特別惹味。

顏府御膳

地址︰銅鑼灣開平道1號Cubus 5樓

電話︰2899 0055

營業時間︰11:30am-2:30pm，6pm-10pm（9pm最後截單）

備註︰點心供應時間11:30am-2:30pm