7仔送豐「祝」曲奇與食品福袋 為過千基層新春送暖

黛安一向有留意新聞，知道疫情下好多基層家庭經濟有困難，公關姊妹同黛安講，7-Eleven趁農曆新年就快到，準備咗寓意豐足常滿嘅豐「祝」曲奇陶瓷罐（內附10塊腰果酥），同應節食品福袋送畀長者同基層家庭。姊妹話，今次送禮活動有成千人受惠，個個都感受到佳節氣氛同祝福，場面超溫馨呀。

此外，姊妹話7-Eleven仲將早前$1購買7Café咖啡嘅相關收益，合共超過$120,000，捐晒畀由「深水埗明哥」創辦嘅「北河同行」，等基層市民可以感受到香港人嘅心意，喺今個新春帶嚟雙倍祝福同溫暖。黛安見到fb「北河同行」嘅專頁都有發帖，感謝市民支持7-Eleven早前舉行嘅$1咖啡慈善活動，以支援社區有需要嘅人。