自爆舊史︳ 劉浩龍新秀奪冠台上被粗口問候 失10萬獎金 皮具獎品轉售賺8萬

劉浩龍（師兄）和郭偉亮（Eric）去年在網上頻道開設《圓卓德州撲克》啤牌節目，每周2晚相約圈中好友Poker大決戰。他們在新一集請來前女子組合As One成員陳葦璇和蘇皓兒(Chloe)做作賽嘉賓。陳葦璇憑《全民造星III》人氣急升，《造星》參賽者們透過比賽和合作建立深厚友誼，令到師兄非常羡慕，甚至憶起了當年贏出「新秀」冠軍後的不偷快經歷。

{{hket:inline-image name="30.jpg"}}{{/hket:inline-image}}

最新一集《圓卓德州撲克》中，Eric和師兄請來蘇皓兒(白衫)和陳葦璇(背向鏡頭)比賽鬥牌技。(圖片：網上截圖）

{{hket:inline-image name="10.jpg"}}{{/hket:inline-image}}

師兄劉浩龍憶述當年參加新秀，因贏出比賽而被其他參賽者冷待。(圖片：網上截圖）

師兄於1997年參加無綫第一屆《全球華人新秀歌唱大賽》，一人橫掃「金獎」、「最佳演繹」及「最具演藝潛質」3大獎項。師兄在節目中首次分享心酸史，表示賽前曾與7位參賽者感情要好，但當宣布他獲獎之後，即嚐到人性的陰暗一面：「我攞晒3個獎、個比賽一完，佢哋７個人即時走，完全冇啋過我。」Eric驚訝話：「咁現實？使唔使咁呀？」人情冷暖不特止，好戲還在後頭，師兄續言：「當時我拎住嗰幾個獎喺度影相嘅時候，突然觀眾席有幾個人行上嚟，佢上到嚟握手跟住同我講『Ｘ你ＸＸ』...」師兄當時都來不及反應，當然感到委屈難受，而爆粗問候他的人，乃其中一個參賽者的家人，師兄無奈地說：「我一入行就感受到嗰種難受，我仲以為佢笑住嚟恭喜我，點知...」

得獎後的遭遇令師兄感到難受，但想不到會連累到現場觀看比賽的母親，師兄說：「入行第一秒，攞到個獎就畀人Ｘ，我係一世難忘，跟住我阿媽睇完比賽搭車走，又係聽到呢啲嘢，背後粗口勁橫飛，我阿媽亦第一次感受到阿仔入行會遇到咁嘅事。」Eric一臉難以置信表示：「點解會咁架！你條路都幾艱辛，第一個First Moment入行就已經係咁。」

【七國咁亂】郭偉亮馮德倫初則口角繼而動武 謝霆鋒爆粗勸交張栢芝打木人樁  【下一頁】

（↓ 點擊圖片放大 ↓）

另外，葦璇表示第一屆《全民造星》有100萬獎金，第二屆有30萬名車做獎品，到第三屆就「乜都冇」，師兄即感同身受。他說歷年來的新秀冠軍是有10萬元獎金，但到了他那一屆竟然取消：「我嗰屆都係乜都冇，(大會) 話嗰年遇正金融風暴，其實我本身唔知贏比賽有10萬獎金呢回事，係有個監製笑我黑仔，話每年 (冠軍) 都有獎金10萬，到你呢屆先冇咗。」不過，冇獎金亦有名牌皮具獎品，師兄說當時入無綫攞獎品時，還以為是禮券，原來是「實物」，廿幾個名牌包包放在台面要他捧走，「當時未興啲乜乜站賣袋，靠阿媽問有冇人要，最後阿媽賣晒啲袋，都攞返8萬蚊。」所以獎品到最終又變回「獎金」了。

撰文:衛紫敏

內地搵銀︳鍾麗緹危企2層樓高木凳層層疊 田亮震驚隔空鬧張倫碩：你來試試 【下一頁】