拍檔譚炳文去年9月離世│李香琴因病離世享年88歲 女兒向親友證實消息

著名香港女演員李香琴今日離世，享年88歲。據消息透露，李香琴的女兒蕭紫筠陸續向親友通知母親病逝的消息。琴姐上月身體狀況欠佳，家人已經做好心理準備。蕭紫筠稍晚時間接受《東張西望》訪問，她表示：「10年前佢已經有輕微中風，當時亦有認知障礙賽，已經開始唔認得人，亦都有少少柏金遜症，醫生話有呢啲症，情況通常都會退化。約喺一個月前情況突然好差，我哋除咗請工人，仲請咗個『特護』照顧佢，今朝同佢沖咗涼、修埋甲，食緊午飯期間，佢突然定晒、唔吞，又唔瞓覺，姑娘諗住幫佢扣喉，但佢已經無晒知覺。去到醫院，醫生入咗房15分鐘出番嚟，話琴姐送到醫院已經無晒脈搏，瞳孔亦都無打開，話佢已經過咗身。我哋傷心一定有，個個都鍚琴姐，但值得安慰嘅係，佢離開時好似瞓著覺咁，好安祥，所以琴姐嘅朋友都唔好咁傷心。」

【譚炳文設靈】李香琴女兒蕭紫筠代母到靈堂致哀 「佢唔記得嘢似小朋友咁開心」【下一頁】

{{hket:inline-image name="800_07d060b518aad40e5a791a070cc043da.jpg"}}{{/hket:inline-image}}

{{hket:inline-image name="0f6bca6e-84dc-4738-8af1-799e6ac00620_600.jpg"}}{{/hket:inline-image}}

李香琴原名李瑞琴，廣東順德人，14歲出道踏足粵劇舞台，後來加入電視台。琴姐演技精湛，從藝至今70多年來，演活電視劇中的媽媽、婆婆、祖母的角色，所以被形容為「巨星的母親/祖母」。而琴姐一向提攜後輩，圈中有不少是她的契仔契女，當中包括萬梓良、呂良偉、周潤發、馬景濤、關菊英、鄭裕玲、翁美玲、鍾楚紅、劉德華、張曼玉等等。

琴姐演出過的作品非常之多，當中以《溏心風暴之家好月圓》中一句：「唔使驚，嫲嫲喺大廳。」近年最深入民心。琴姐2011年在《萬千星輝頒獎典禮2011》榮獲「萬千光輝演藝人大獎」，表揚她過往在影視圈作出的貢獻，可惜後來琴姐因患有腦退化症，翌年正式退出幕前的工作，琴姐最後一次公開露面是2013年3月，她相約電視台高層食飯，當時她要坐上輪椅由家人推住出入，不過當年精神仍然非常好。

（↓點擊圖片放大↓）

【譚炳文離世】幕前與李香琴拍檔傳緋聞多年 炳嫂默默做背後女人照顧家庭【下一頁】

跟李香琴多年來是好拍檔的譚炳文去年9月不敵癌魔離世，終年86歲，李香琴的女兒蕭紫筠當時有代表媽媽到靈堂致哀，被問到琴姐是否得知好友離世，紫筠表示：「我有同琴姐講，但佢精神有問題，思想有差異，冇乜表示，佢唔知老拍檔走咗，一路有老拍檔喺心。」對於當時琴姐的身體情況，紫筠答謝大家關心，她說：「身體好好，只係唔記得嘢，好似小朋友咁，好開心，你講佢就聽。」

{{hket:inline-image name="800_888e500e84b13abd81425dd249753558_600_600.jpg"}}{{/hket:inline-image}}

責任編輯：楊安莉